ફતેપુરા તાલુકાના હિંગલામાં અકસ્માતે બે નાના મકાનોમાં લાગી આગ:અનાજ- ઘરવખરી આગની લપટોમાં બળીને સ્વાહા:સદભાગ્યે કોઇ જાનહાનિ નહીં.
March 13, 2021
જાણવા મળેલી વિગતો મુજબ ફતેપુરા તાલુકાના હિંગલા ગામે કાચલા ફળિયામાં રહેતા સળિયાભાઈ ટીટા ભાઈ કામોળ ખેતીવાડી તથા છૂટક મજૂરી ધંધો કરી ઘરનું ગુજરાન ચલાવે છે.જેઓ હાલ પુત્ર ચંદુભાઈ તથા પુત્રવધુ સાથે બહારગામ મજુરી કામે ગયેલા છે. અને પત્ની તથા પુત્રી ઘરે છે.જ્યારે ગતરોજ બપોરના બે થી અઢી વાગ્યાના અરસામાં સળિયા ભાઈ કામોળના મકાનમાં કોઈક કારણોસર અકસ્માતે આગ લાગતા મકાન નજીક બાંધવામાં આવેલ નળીયા તથા પતરા વાળા મકાનમાં આગની જવાળાઓ જોવા મળતા બૂમાબૂમ કરવામાં આવતા આસપાસથી લોકો દોડી આવ્યા હતા. ત્યાં સુધીમાં નાના મકાનને આગની જવાળાઓ એ ઘેરી લીધું હતું. અને નજીકમાં આવેલ પુત્ર ચંદુભાઈ કામોળના મકાન ને પણ લપેટમાં લેતા ઘરવખરી સહિત સરસામાન બળી જવા પામ્યો હતો.જેથી આસપાસ માંથી દોડી આવેલા લોકોએ આગને ઓલવવા નો પ્રયત્ન કરવા છતાં આગ કાબુમાં નહીં આવતા ઝાલોદ ફાયર ફાઈટરને જાણ કરવામાં આવી હતી. ત્યાં સુધીમાં બે નાના મકાનોમાં રાખવામાં આવેલ તમામ સરસામાન સહિત મકાઈ આશરે ત્રીસ થી ચાળીસ મણ તથા ડાંગર આશરે ચાળીસ મણ જેટલી આગની લપેટમાં આવતા અનાજ બળીને ખાખ થઇ ગયું હોવાનું સ્થાનિકો દ્વારા જાણવા મળે છે.જ્યારે મકાન પાસે આવેલ ખળામાં કાપણી કરેલ ચણાના પાકને પણ આગે લપેટમાં લેતા સો મણ જેટલા ચણાનો તૈયાર પાક પણ બળીને ભસ્મ થઈ ગયો હતો. જ્યારે બે ટ્રેકટર જેટલું ઘાસમા પણ આગે કાબુ કરતા દોડી આવેલા ગ્રામજનોએ આગ ઓલવવાનો પ્રયત્ન કરવા છતાં આગ કાબૂમાં આવી ન હતી. જ્યારે પશુઓને બચાવવા માટે દોરડા કાપી છોડી મુકતા પશુઓનો આબાદ બચાવ થયો હતો. ત્યારબાદ ઝાલોદ થી બે ફાયર ફાઇટરો આવી પહોંચતા આગ ઉપર પાણીનો મારો ચલાવતા આગ કાબુમાં આવી હતી.જો કે ફાયર ફાયટરો સમયસર આવી પહોંચ્યા ન હોત તો નજીકમાં આવેલ મકાન સહિત પશુઓના તબેલાને આગના કારણે મોટુ નુકસાન પહોચ્યું હોત.પરંતુ વધુ નુકસાન થતું ફાયર ફાઇટરોની કામગીરીના કારણે બચવા પામેલ છે. તેમજ કોઇ જાનહાની નહી થતા ઉપસ્થિત લોકોમાં હાશકારો થયો હતો.
Latest News
દાહોદ જિલ્લાના આ ડેમમાં પાણીની ભારે આવક થતા 9 ગામોમાં એલર્ટ જાહેર. #DahodFloodAlert #dahod #shorts
દાહોદના બસ સ્ટેશન પર ભૂગર્ભ ગટરના ખાડામાં ગાય ખાબકી, ફાયર અને જીવદયાનું રેસ્ક્યૂ.!!#shorts #dahod
દાહોદમાં ST બસનો આતંક:15 દિવસમાં ચોથો અકસ્માત, યુવક ભોગ બન્યો.l #Roadaccident #dahodlive #shorts
दाहोद में वलसाड एक्सप्रेस ने बढ़ाई यात्रियों,बुजुर्गों और मरीजों की परेशानी.! #railways #dahodnews
શીર્ષક: દાહોદ: ઝાલોદનો કાલી-2 ડેમ થયો ઓવરફ્લો! નીચાણવાળા ગામોને એલર્ટ.! #shorts #jhalod #viralvideo
ભગવાન જગન્નાથજીની 18મી રથયાત્રા | આદિવાસી નૃત્ય, ઝાંખીઓ અને ભક્તિનો મહાપર્વ | Dahod Rath Yatra 2025