દાહોદ લાઈવ ડેસ્ક….
કૃષિ કાયદાના વિરોધમાં ઓલ ઈન્ડિયા ખેડૂત સંકલન સમિતિએ આપેલા ભારત બંધનું એલાનનો દાહોદમાં ફિયાસ્કો:આમ આદમી પાર્ટી દ્વારા ગુલાબનો ફુલ આપી બંધને સફળ બનાવવા અપીલ કરાઈ:બીટીપીના કાર્યકર્તાઓ દ્વારા હાઇવે પર ટાયરો સળગાવી ચક્કાજામ કરવાનો પ્રયાસ:દાહોદમાંથી 17 ને ડિટેઇન કરાયાં,દાહોદ જિલ્લાના તાલુકા મથકો રાબેતા મુજબ ધમધમતા રહ્યા:દાહોદ પોલિસે ફતેપુરા તેમજ ઝાલોદમાંથી 15 થી વધુ કાર્યકર્તાઓની અટકાયત કરાઈ
આમ આદમી પાર્ટી દ્વારા ફુલનો ગુલાબ આપી બંધને સમર્થન આપવા રજૂઆત કરાઈ
દાહોદ તા.08
કૃષિ કાયદાના વિરોધમાં આજે ઓલ ઈન્ડિયા ખેડૂત સંકલન સમિતિએ ભારત બંધનું એલાન આપ્યું છે.તેમજ સમગ્ર રાજ્યભરમાં ખેડૂત આંદોલનના પગલે ધારા 144 લાગુ કરવામાં આવી છે.જેને લઈને સવારથી જ પોલીસતંત્ર દ્વારા ચુસ્ત બંદોબસ્ત ગોઠવી દેવામાં આવ્યો હતો.જોકે ભારત બંધનો દાહોદ જિલ્લામાં ફિયાસ્કો થયો હતો.શહેર સહીત જિલ્લો રાબેતા મુજબ ધમધમતો જોવા મળ્યો હતો.દાહોદ જિલ્લામાંથી ખેડૂત આંદોલનના સમર્થનમાં વિરોધ પ્રદર્શન કરનારા કોંગ્રેસ,બીટીપી તેમજ આમ આદમી આદમી પાર્ટીના 31 થી વધુ હોદેદારો તેમજ કાર્યકર્તાઓને પોલીસ દ્વારા ડિટેઇન કરવામાં આવ્યા હોવાનું સત્તાવાર રીતે જાણવા મળેલ છે.
બીટીપી દ્વારા નેશનલ હાઇવે ચક્કાજામ કરવાનો પ્રયાસ કરાયો
દાહોદમાં આમ આદમી પાર્ટી દ્વારા ગુલાબનો ફુલ આપી બંધને સફળ બનાવવા અપીલ કરાઈ:બીટીપીના કાર્યકર્તાઓ દ્વારા હાઇવે પર ટાયરો સળગાવી ચક્કાજામ કરવાનો પ્રયાસ:દાહોદમાંથી 17 ને ડિટેઇન કરાયાં
ખેડૂતોના ભારત બંધના એલાનના સમર્થનમાં આમ આદમી પાર્ટી દાહોદ જિલ્લા ટીમ દ્વારા સવારમાં દુકાનદારોને ગુલાબના ફૂલ આપીને ખેડૂત આંદોલનને સહકાર આપવા તેમજ ખેડૂત વિરોધી કાયદાઓના વિરોધમાં બંધના એલાનને સહકાર આપવા ધંધો રોજગાર બંધ પાળીને ખેડૂતો ને સાથ આપવા આવવાહન કર્યું હતું.તેમજ દાહોદ ઇન્દોર હાઇવે પર બિટીપીના કાર્યકર્તાઓ દ્વારા ટાયરો સળગાવી હાઇવેને ચક્કાજામ કરવાનો પ્રયાસ કરવામાં આવ્યો હતો.જોકે ગ્રામ્ય પોલિસે બીટીપીના 8 કાર્યકર્તાઓની અટકાયત કરી હાઇવે ચક્કાજામ નિષ્ફળ બનાવ્યો હતો. તેમજ દાહોદ શહેર પોલીસે આમ આદમી પાર્ટીના 9 કાર્યકર્તાઓને રિટેન કર્યા હતા.
ગરબાડા હાટ બજારનો ફોટો
