मतदान अवश्य करें पहले मतदान फिर जलपान

રાજ્ય સરકારના નવ દિવસીય સેવાયજ્ઞમાં વર્ચ્યુલી સહભાગી થતાં પ્રધાનમંત્રી શ્રી નરેન્દ્રભાઇ મોદી
૦૦૦
પ્રધાનમંત્રી ગરીબ કલ્યાણ અન્ન યોજના હેઠળ રાજ્યના ગરીબોને વિનામૂલ્યે અન્ન વિતરણનો દાહોદથી પ્રારંભ

વડાપ્રધાન શ્રી નરેન્દ્રભાઇ મોદીએ પ્રધાનમંત્રી ગરીબ કલ્યાણ અન્ન યોજના હેઠળ ગુજરાતના ૭૧ લાખ પરિવારોના સાડા ત્રણ કરોડ લોકોને દિવાળી સુધી સાવ વિનામૂલ્યે રાશન આપવાના સેવાયજ્ઞનો ઉગતા સૂર્યના પ્રદેશ દાહોદ ખાતેથી વર્ચ્યુલ પ્રારંભ કરાવ્યો હતો. રાજ્ય સરકાર દ્વારા ચાલી રહેલા નવ દિવસીય સેવાયજ્ઞના ત્રીજા દિવસે અન્ન વિતરણ કાર્યક્રમમાં પ્રધાનમંત્રી સહભાગી બન્યા હતા. પ્રધાનમંત્રી શ્રી નરેન્દ્રભાઇ મોદીએ જણાવ્યું છે કે, દેશમાં ગરીબોના સશક્તિકરણને સર્વોચ્ચ પ્રાથમિક્તા અપાઇ રહી છે.
વડાપ્રધાનશ્રીએ જણાવ્યું કે, ગુજરાતમાં આજે લાખો પરિવારોને પ્રધાનમંત્રી ગરીબ કલ્યાણ અન્ન યોજના હેઠળ વિનામૂલ્યે રાશન આપવામાં આવી રહ્યું છે. આ રાશન કોરોનાની મહામારીના સમયમાં ગરીબોની ચિંતામાં રાહત આપીને તેમનામાં આત્મવિશ્વાસનું સિંચન કરે છે. તેમણે ઉમેર્યું કે, આ યોજના છેલ્લા એક વર્ષથી સમગ્ર દેશમાં ચાલી રહી છે. દેશનો કોઇ ગરીબ ભૂખ્યો સુવે નહી, તે વાત આ યોજનાનો મુખ્ય ઉદ્દેશ છે. પડકારો ગમે તેવા હોય પરંતુ સમગ્ર દેશ ગરીબોની સાથે છે એવો અહેસાસ આ યોજનાના કારણે લોકોને થયો છે.
કોરોના જેવી મહામારી ૧૦૦ વર્ષમાં પ્રથમ વખત આવી છે. વિશ્વના અનેક દેશોને ચિંતા હતી કે કોરોનાના કારણે લાગુ કરવામાં આવેલા લોકડાઉનને પરિણામે અનેક લોકોને ભૂખ્યા રહેવાનો વારો આવશે. હાલમાં દુનિયાના કેટલાક દેશોમાં કોરોના સંક્રમણને કારણે ભૂખમરાનું ભીષણ સંકટ આવ્યું છે. પરંતુ, ભારતે આ સંકટનો પહેલેથી ઓળખી તેને ખાળવા માટે આગોતરૂ આયોજન કરીને આ યોજના અમલમાં મૂકી છે. દેશમાં ૮૦ કરોડથી વધુ ગરીબોને મફત અનાજ આપવા પાછળ કેન્દ્ર સરકારે રૂ. ૨ લાખ કરોડનો માતબર ખર્ચ કર્યો છે. જેનાથી વિશ્વના અનેક દેશો પ્રભાવિત થયો છે.
ગુજરાતની જાહેર વિતરણ વ્યવસ્થાની પ્રશંસા કરતા પ્રધાનમંત્રી શ્રી મોદીએ કહ્યું વન નેશન, વન રાશન યોજના લાગુ કરવામાં ગુજરાત સમગ્ર દેશમાં પ્રથમ રાજ્ય હતું. તેના કારણે લોકડાઉનમાં ફસાયેલા અનેક પ્રવાસી શ્રમિકોને તેમના વતન સિવાયના બીજા સ્થળેથી રાશન મળી રહ્યું અને તેનો કોરોનાકાળમાં પણ રાશનથી વંચિત ના રહ્યા.
તેમણે કહ્યું કે, થોડા વર્ષો પહેલા દેશમાં અનાજના ગોદામો વધતા ગયા પરંતુ ભૂખમરો અને કુપોષણની ટકાવારીમાં કોઇ જ ઘટાડો થયો નહી. તેનું મુખ્ય કારણ અસરકારક વિતરણ વ્યવસ્થાનો સંપૂર્ણ અભાવ હતો. આ સ્થિતિના બદલાવ માટે વર્ષ ૨૦૧૪થી નવી કાર્યશૈલીનો પુરવઠા વિતરણ વ્યવસ્થામાં અમલ કરવામાં આવ્યો અને જેમાં રાશન કાર્ડને આધાર કાર્ડ સાથે લિંક કરીને અનેક ભૂતિયા રાશનકાર્ડ નાબૂદ કરવામાં આવ્યાથી સાથે ગરીબોના હક્કના સરકારી અનાજ વિતરણની વ્યવસ્થામાંથી કટકી કંપનીને પણ દૂર કરવામાં આવી છે. ડિઝીટલ વ્યવસ્થાને કારણે જાહેર વિતરણ વ્યવસ્થા વધુ સુદ્રઢ બની અને રાશનનો સીધો લાભ કોઇ વચેટિયા કે વિલંબ વગર ગરીબોને સીધો મળી રહ્યો છે.
પ્રધાનમંત્રીશ્રીએ જણાવ્યું કે, એક જમાનો હતો કે દેશમાં વિકાસની વાતો માત્ર મોટા શહેરો સુધી જ સીમિત હતી. જેને સામાન્ય માનવી સાથે કોઇ લેવાદેવા નહોતી. પરંતુ, આ વિચારધારાને બદલીને સામાન્ય માનવીના જીવનમાં પણ ગુણાત્મક પરિવર્તન આવે અને તેમનું જીવનધોરણ ઉંચુ આવે તેવા માપદંડો સાથે કેન્દ્ર સરકારે ગરીબોના સશક્તિકરણને પ્રાથમિક્તા આપી છે.
શ્રી મોદીએ એમ પણ કહ્યું દેશમાં ૨ કરોડ ગરીબ પરિવારોને આવાસ, ૧૦ કરોડ પરિવારોને સૌચાલય તેમજ જનધન ખાતાથી અંત્યોદય પરિવારોને બેંકિંગ વ્યવસ્થાથી જોડીને તેમને નવી તાકાત અને તકો પૂરી પાડી છે અને તેના કારણે ગરીબોના જીવનધોરણમાં આમૂલ પરિવર્તન આવ્યું છે.
પ્રધાનમંત્રીશ્રીએ જણાવ્યું કે ગરીબોને આરોગ્ય માટે આષ્યુયમાન ભારત, શિક્ષણ અને માર્ગો, ગેસ અને વીજળી મફત આપીને તેમને મુખ્યધારામાં જોડવામાં આવ્યા છે અને વિકાસના ફળ છેવાડાના માનવી સુધી પહોંચાડવામાં આવ્યા છે. મુદ્રા યોજના, આત્મ નિર્ભર ભારત યોજના થકી ગરીબોને સન્માન પૂર્વ જીવનનો માર્ગ ખોલી આપ્યો છે.
તેમણે કહ્યું કે, ગુજરાતમાં એક સમયે પાણી માટે મહિલાઓને ઘણા દૂર સુધી જવું પડતું હતું. પરંતુ, સરદાર સરોવર યોજના, સૌની યોજના, નહેરોના નેટવર્કને પરિણામે આજે મા નર્મદાનું પાણી ગુજરાતના ગામેગામ અને ઘરેઘરે પહોંચ્યું છે. મા નર્મદાનું નામમાત્ર લેવાથી પુણ્ય મળે છે એ પાણી આજે નળ મારફત ઘર સુધી આવ્યું છે. જલ જીવન મિશન હેઠળ છેલ્લા બે વર્ષમાં સાડા ચાર કરોડ પરિવારોને આવરી લેવામાં આવ્યા છે. આઝાદી બાદ માત્ર ૩ કરોડ પરિવારોના ઘરે પાણીના નળ હતા. ગુજરાતમાં આજે નલ સે જલ યોજના પૂરી થવાના આરે છે. એ વાત ખુશી છે.
ડબલ એન્જીનની સરકારને કારણે ગુજરાતમાં અનેક વિકાસના કામો થયા છે. જેમાં સ્ટચ્યુ ઓફ યુનિટી આજે વૈશ્વિક આકર્ષણનું કેન્દ્ર બન્યું છે. કચ્છમાં બનનારા રિન્યુએબલ એનર્જી પાર્ક, રેલવે, હવાઇ જોડાણ સહિતના ઇન્ફ્રાસ્ટ્રક્ચરના અનેક પ્રોજેક્ટ ગુજરાતમાં કાર્યરત છે. અમદાવાદ અને સુરતમાં મેટ્રો, હેલ્થકેર, મેડિકલ શિક્ષણ ક્ષેત્રે પ્રશંસનીય કામગીરી થઇ છે.
ગુજરાત સહિત સમગ્ર દેશમાં આજ અનેક વિકાસના કામો થઇ રહ્યા છે અને તેના પરિણામે દેશના દરેક ક્ષેત્રના લોકોનો આત્મવિશ્વાસ વધ્યો છે. આ આત્મવિશ્વાસ જ દરેક પડકારોનો સામનો કરવાની શક્તિ આપે છે અને સપનાઓ પૂરા કરવાની તાકાત પૂરી પાડે છે.

5 0

દાહોદ જીલ્લા ટ્રક એસોસિએશન ઉતર્યા હડતાલ ઉપર

ડીઝલના વધતા ભાવોના પગલે ટ્રક એસોસિએશન દ્વારા ઉતર્યા અચોક્કસ મુદતની હડતાલ ઉપર

ડીઝલ ના ભાવો વધવા છતા ભાડાઓમા વેપારીઓ દ્વારા ન વધારતા ટ્રક એસોસિએશન દવારા અચોક્કસ મુદત ની હડતાલ ઉપર

9 0

ભારતીય સેનામાં સેવા આપવી એ દરેક દેશવાસીઓ માટે સૌભાગ્યની વાત હોય છે. ભારતીય સૈનિક જ્યારે ભારતીય સેનામાં સેવા આપી વય નિવૃત થઈ પોતાના વતન પરત ફરે છે.ત્યારે આ જવાન માનમાં ગ્રામજનો શહેરીજનો તેમજ પરિવારજનોમાં હર્ષની લાગણી ફેલાઈ જતી હોય છે.ત્યારે ભારતમાં ના વીર સપૂત ને આવકારવા સોં કોઈ ગૌરવની લાગણી અનુભવે છે. વાત કરીએ દાહોદની તો આજરોજ ૦૨ ઓગષ્ટ ૨૦૨૧ના રોજ દાહોદ જિલ્લાના ચાંદાવાડા ગામના સૈનિક પંકજભાઈ કનૈયાલાલ સોલંકી ઉર્ફે પ્રજાપતિ જે ભારતમાંની સેવા કાજે ભારતીય સેનામાં જોડાયા હતા. પોતાની સેવા નો કાર્યકાળ પૂરો કરી તેઓ ઝારખંડના રાંચી થી વય નિવૃત થઈ પોતાના વતન દાહોદ ખાતે ચાંદાવાડા મુકામે આવ્યાં હતાં. આ સૈનિક પંકજભાઈ દાહોદ રેલ્વે સ્ટેશને આવતાંની સાથે જ સમાજ તેમજ પરિવારજનો, તેમજ માજી સૈનિક સંગઠન દ દ્વારા આ સૈનિક પંકજભાઈનું વાજતે ગાતજે સ્વાગત કરવામાં આવ્યું હતું. આ સૈનિકનું ફુલહાર પહેરાવી ભવ્ય સ્વાગત કરી વરઘોડો કાઢી પોતાના ગામ પરત ફર્યા હતા

---------------

25 0

આજરોજ દાહોદ નગરપાલિકા ચોક ખાતે દાહોદ જિલ્લા કોંગ્રેસ સમિતિના આગેવાનોમાં દાહોદના ધારાસબ્ય વજુભાઈ પણદા સહિત તેમની આગેવાનીમાં તેમના કાર્યકરો વિગેરે મોટી સંખ્યામાં ઉપસ્થિત રહ્યાં હતાં તેઓની પાસેથી જાણવા મળ્યાં અનુસાર, ભાજપની સરકારમાં પેટ્રોલ - ડિઝલ, ખાતર, શિક્ષણ, જીવન જરૂરીયાતની ચીજવસ્તુઓના ભાવોમાં ઘરખમ થયો છે. ભાજપની સરકારના પાંચ વર્ષાે પુર્ણ થતાં ભાજપ સરકાર દ્વારા પ્રજાના જ પૈસે ખોટા તાયફાઓ કરી રહ્યાં હોવાના આક્ષેપો પણ દાહોદ જિલ્લા કોંગ્રેસ સમિતિ દ્વારા કરવામાં આવ્યાં છે. સરકાર માત્રને માત્ર પ્રજાને ખોટા વાયદાઓ અને પ્રજાને ગેરમાર્ગે દોરી રહી હોવાના આક્ષેપો પણ કોંગ્રેસ સમિતિ દ્વારા કરવામાં આવ્યાં હતાં ત્યારે ગુજરાતમાં ભાજપ સરકારના પાંચ વર્ષાે પુર્ણ થતાં વિવિધ કાર્યક્રમોની પણ રૂપરેખા તૈયાર કરવામાં આવી છે ત્યારે દાહોદ જિલ્લા કોંગ્રેસ સમિતિ દ્વારા પણ સરકાર વિરોધી તારીખ ૦૧ થી ૦૯ તારીખ સુધી વિવિધ વિરોધ કાર્યક્રમોનું આયોજન કરવામાં આવ્યું છે. આજે તારીખ ૦૧ ઓગષ્ટના રોજ શિક્ષણ બચાવો અભિયાન મુદ્દે વિરોધ નોંધાવ્યો હતો. તારીખ ૦૨ ઓગષ્ટના રોજ સંવેદનહીન સરકાર, આરોગ્ય બચાવો અભિયાન, તારીખ ૦૩ ઓગષ્ટના રોજ અન્ન અધિકારી અભિયાન, તારીખ ૦૪ ઓગષ્ટના રોજ મહિલા સુરક્ષા અભિયાન, તારીખ ૦૫ ઓગષ્ટના રોજ ખેડુત ખેતી બચાવો અભિયાન, તારીખ ૦૬ બેરોજગારી હટાવો અભિયાન, તારીખ ૦૭ વિકાસ કોનો? વિકાસ ખોજ અભિયાન, તારીખ ૦૮ જન અધિકારી અભિયાન અને તારીખ ૦૯મી ઓગષ્ટના રોજ સામાજી ક્રાંતિ અભિયાન આમ, નવ દિવસ સુધી દાહોદ જિલ્લા કોંગ્રેસ સમિતિ દ્વારા વિવિધ મુદ્દે વિરોધ પ્રદર્શન કરનાર હોવાનું જાણવા મળી રહ્યું છે.

-----------------------

10 0

દાહોદ

એન્કર:-

દાહોદ જિલ્લામાં 9 ઓગસ્ત વિશ્વ આદિવાસી દીવસ નિમિતે આદીવાસી પરિવાર દ્વારા શાંતિ પૂર્ણ વાતાવરણમાં વિશ્વ આદિવાસી દિવસની ઉજવણી વૃક્ષારોપણના કરવાની કરી અપિલ

વી:ઓ:-

9 ઓગષ્ટ વિશ્વ આદિવાસી દિવસની ઉજવણી ને લઈ દાહોદ જિલ્લામાં આદિવાસી પરિવાર દ્વારા દાહોદ જિલ્લાના આદિવાસીઓને અપીલ કરવામાં આવી છે કે કોરોનાં કાળમાં આદિવાસી દિવસની ઉજવણી ઘરે રહી ને ઉજવે અને કોરોનાં કાળમાં લોકોએ પોતાના સ્વજનો ગુમાવ્યા તેમજ પૂર્વજોની યાદમાં ઘરના આગણે.ખેતરો માં વૃક્ષો વાવે અને એ વૃક્ષો નું જતન કરે અને પ્રકૃતિની સભાળ રાખે.દાહોદ જિલ્લામાં વિશ્વ આદિવાસી દિવસની ઉજવણી દર વખતે ધૂમધામથી ઉજવવવામાં આવે છે.જેથી આ વર્ષે દાહોદ જિલ્લા આદિવાસી પરિવાર દ્વારા શાંતિ પૂર્ણ વાતાવરણમાં ઉજવવાની અપીલ કરવામાં આવી છે

88 0

દાહોદ નગર પાલિકામાં આજરોજ ત્રિમાસીક સામાન્ય સભા મળી હતી. ઘણા લાંબા સમયથી વિવિધ સમિતિઓના ચેરમેનોને વરણી મોકુફ હતી. આ વિવિધ શાખાઓમાં આજરોજ ચેરમેનોની વરણી કરવામાં આવી હતી. ૧૬ જેટલા ચેરમેનોની વરણી કરવામાં આવી છે.

બપોરના ૧૨.૩૦ કલાકે દાહોદ નગરપાલિકાના સભાખંડમાં મળેલ ત્રિમાસીક સામાન્ય સભાનું આયોજન કરવામાં આવ્યું હતું. દાહોદ નગરપાલિકાના પ્રમુખ, ચીફ ઓફિસર સહિત શહેરના વોર્ડના કાઉન્સીલરો સહિત કાર્યકરો આ સામાન્ય સભામાં મોટી સંખ્યામાં ઉપસ્થિત રહ્યાં હતાં. લાંબા સમયથી ચેરમેનોની વરણીનો આતુરતાનો આજે અંત આવ્યો હતો. બાંધકામ સમિતિમાં ભાવનાબેન મનોજકુમાર વ્યાસને ચેરમેન તરીકે નિયુંક્ત કરવામાં આવ્યાં છે. ટાઉન પ્લાનીંગ સમિતિમાં નિરજભાઈ (ગોપી) નિકુંજભાઈ દેસાઈ, આરોગ્ય સમિતિમાં દિપેશકુમાર રમેશચંદ્ર લાલપુરવાલા, વોટર સપ્લાય સમિતિમાં નુપેન્દ્ર પ્રવિણકુમાર દોશી, દિવબત્તી સમિતિમાં અહેમદભાઈ રસુલભાઈ ચાંદ, બાગબગીચા સમિતિમાં માસુમાબેન મહંમદ ગરબાડાવાલા, એસ્ટ્રાબ્લીશર મેન્ટ સમિતિમાં તુલસીભાઈ હોતચંદ જેઠવાણી, ફાયર સમિતિમાં લલિતભાઈ રમણભાઈ પ્રજાપતિ, કાયદા સમિતિમાં રંજનબેન કિશોરકુમાર રાજહંસ, સમાજ કલ્યાણ સમિતિમાં ચંદ્રકાંતા ગોપાલભાઈ ધાનકા, રમતગમત અને સાંસ્કૃતિક સમિતિમાં સુજાનકુમાર હિંમતસિંહ કિશોરી, લાઈબ્રેરી સમિતિમાં વાસીફભાઈ યુસુફખાન પઠાણ, શોપ્સ એન્ડ એસ્ટ્રાબ્લીશર સમિતિમાં કિંજલબેન શાલિનકુમાર પરમાર, મેઈનટન્સ ડિપાર્ટમેન્ટ સમિતિમાં બિજલભાઈ જાેગાભાઈ ભરવાડ, પાર્કિંગ કમીટી સમિતિમાં પ્રેમિલાબેન વિનોદભાઈ ક્ષત્રિય અને એપીએમસીમાં હિમાંશુભાઈ રમેશચંદ્ર બબેરીયાને ચેરમેન પદ પર નિયુંક્ત કરવામાં આવ્યાં હતાં.

-------------------------------

6 0

પેટ્રોલ –ડીઝલ સહિત જીવનજરૂરિયાતની ચીજવસ્તુઓના ભાવ વધારાના પગલે ઝાલોદ કોંગ્રેસ સમિતિ દ્વારા વિરોધ પ્રદર્શન કરવામાં આવ્યો



ઝાલોદ તાલુકા કોંગ્રેસ સમિતિ દ્વારા આજરોજ ઝાલોદ નગરમાં સાયકલ રેલી સહિત પગપાળા રેલીનું આયોજન કરવામાં આવ્યું હતું. રેલી ઝાલોદ નગરના વિવિધ વિસ્તારોમાં ફરી હતી. રેલીમાં કોંગ્રેસ સમિતિના હોદ્દેદારો સહિત કાર્યકરોએ સરકાર વિરોધી સૂત્રોચ્ચાર કરવામાં આવ્યા હતા ત્યારબાદ આ રેલી ઝાલોદ પ્રાંત અધિકારીની કચેરીએ પહોંચી હતી જ્યાં પ્રાંત અધિકારીને આવેદનપત્ર પાઠવ્યું હતું છેલ્લા દોઢ વર્ષથી કોરોના મહામારીના કારણે દેશની ગરીબ જનતાના ધંધા રોજગાર પડી ભાંગતાં જનતા આર્થિક રીતે પાયમાલ થઇ ગયેલ છે તેવા કપરા સમયે ભાજપ સરકાર દ્વારા દેશની જનતાની ચિંતા કર્યા વગર હિટલર શાહી વલણ અપનાવી રાજ્ય સરકારની અનધડ અને નિષ્ફળ નીતિ રીતીના કારણે ડીઝલ – પેટ્રોલ અને રાંધણગેસ તેમજ જીવન જરૂરિયાતની તમામ ચીજવસ્તુઓ ઉપર દિનપ્રતિદિન કમરતોડ ભાવ વધારો કરી દેશની જાહેર જનતાના પેટ પર લાત મારી જાહેર જનતાને મોંઘવારીના ખપ્પરમાં હોમી દેવાનું જે ષડયંત્ર સરકાર દ્વારા કરવામાં આવે છે જેના કારણે જાહેર જનતાને ભારે હાલાકી ભોગવવી પડી રહી છે અને આર્થિક સંકડામણ પણ જાહેર જનતા અનુભવી રહી છે. ટૂંક સમયમાં સરકાર દ્વારા પોતાનું મનસ્વી ભર્યું વલણ નહીં બદલે અને જાહેર જનતાની ચિંતા કરી ભાવ વધારો પાછો નહીં ખેંચે તો આવનાર દિવસોમાં કોંગ્રેસ પક્ષ ઉગ્ર આંદોલન કરી જાહેર રસ્તા પર ઉતરશે તેવી ચીમકી પણ ઝાલોદ તાલુકા કોંગ્રેસ સમિતિ દ્વારા ઉચ્ચારવામાં આવી હતી.

5 0

દાહોદ તાલુકાના ગામ ખેંગ ગામનો ગોચર જમીનનો મામલો: ગોચર જમીનમાં માથાભારે તત્ત્વોએ કબ્જો કર્યાના ગ્રામજનોનો આક્ષેપ

એક વર્ષ અગાઉ પણ આ મામલે કલેક્ટર શ્રી ને ગૌચર જમીનના કબજા બાબતે રજૂઆત કરાઇ હતી

ગ્રામજનોએ કલેકટરશ્રી તેમજ TDO ને આવેદન પાઠવી સામુહિક રજૂઆત કરી

12 0

આદિવાસી ટાઇગર સેનાએ સસ્તા અનાજની દુકાનોમાં ગેરરીતિના આક્ષેપો સાથે કલેક્ટરશ્રી ને આવેદન આપ્યું

9 0