Friday, 29/03/2024
Dark Mode

દાહોદ જિલ્લામાં બે જુદી જુદી જગ્યાએ સર્જાયેલા માર્ગ અકસ્માતમાં બે વ્યક્તિઓ કાળનો કોળિયો બન્યા…

October 22, 2021
        868
દાહોદ જિલ્લામાં બે જુદી જુદી જગ્યાએ સર્જાયેલા માર્ગ અકસ્માતમાં બે વ્યક્તિઓ કાળનો કોળિયો બન્યા…

જીગ્નેશ બારીયા રાજેશ વસાવા દાહોદ 

દાહોદ જિલ્લામાં બે જુદી જુદી જગ્યાએ સર્જાયેલા માર્ગ અકસ્માતમાં બે વ્યક્તિઓ કાળનો કોળિયો બન્યા…

 માર્ગ અકસ્માતમાં મરણ પામેલા લોકોના પરિવારજનોમાં માતમ છવાયો.

 દાહોદ જિલ્લામાં વાહન ચાલકોની ગફલતને તેમજ પૂરઝડપના કારણે માર્ગ અકસ્માતોના બનાવોમાં વધારો… 

દાહોદ તા.૨૨

દાહોદ જિલ્લાના લીમખેડા તાલુકામાં વાહન ચાલકોની ગફલતના કારણે સર્જાયેલ માર્ગ અકસ્માતના બે બનાવોમાં બે જણાના મોતને પગલે પરિવારજનોમાં માતમ છવાઈ ગયો હતો. બંન્ને બનાવોને પગલે જે તે પોલીસ મથકે ફરિયાદ નોંધાયાનું જાણવા મળે છે.

 

 

 માર્ગ અકસ્માતનો પ્રથમ બનાવ લીમખેડા તાલુકાના વલુન્ડી ગામે બનવા પામ્યો હતો જેમાં ગત તા.૨૦મી ઓક્ટોમ્બરના રોજ એક ટ્રકના ચાલકે પોતાના કબજાની ટ્રક પુરઝડપે અને ગફલત ભરી રીતે હંકારી પસાર થઈ રહ્યો હતો. આ દરમ્યાન ટ્રકની વધુ પડતી ઝડપને કારણે ટ્રક પરના સ્ટેરીંગ પરનો કાબુ ગુમાવી બેસતાં ટ્રક હાઈવેની રેલીંગ તોડી ખાડામાં ટ્રક ઉતારી દેતાં અંદર સવાર મુકેશભાઈ રસલાભાઈડામોર (રહે. કાળીમહુડી, જગા ફળિયું, તા.ઝાલોદ, જિ.દાહોદ) ને શરીરે તેમજ માથાના ભાગે ગંભીર જીવલેણ ઈજાઓ થતાં તેમનું ઘટના સ્થળ પર મોત નીપજ્યું હતું. આ સંબંધે કાળી મહુડી ગામે જગા ફળિયામાં રહેતાં વરસીંગભાઈ નારજીભાઈ ડામોરે લીમખેડા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.

 માર્ગ અકસ્માતનો બીજાે બનાવ લીમખેડા તાલુકાના પાલ્લી ગામે બનવા પામ્યો હતો જેમાં ગત તા.૨૧મી ઓક્ટોમ્બરના રોજ એક ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી ત્યાંથી પસાર થઈ રહેલ મોટરસાઈકલના ચાલક જવેરસીંગ સદીયાભાઈ પટેલ (રહે. પાણીયા, ફેક્ટરી ફળિયા, તા. લીમખેડા, જિ.દાહાદ) ને અડફેટમાં લેતાં જવેરસીંગભાઈ મોટરસાઈકલ સાથે જમીન પર ફંગોેળાયાં હતાં અને જેને પગલે તેઓને શરીરે તેમજ માથાના ભાગે ગંભીર જીવલેણ ઈજાઓ થતાં નજીકના દવાખાને સારવાર અર્થે ખસેડવામાં આવ્યાં હતાં જ્યા સારવાર દરમ્યાન જવેરભાઈનું મોત નીપજતાં આ સંબંધે પાણીયા ગામે ફેક્ટરી ફળિયામાં રહેતાં પર્વતભાઈ સદીયાભાઈ પટેલે લીમખેડા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.

 

————————————

Leave a Reply

Your email address will not be published. Required fields are marked *

error: Content is protected !!