રાજેશ વસાવે :- દાહોદ
દાહોદના બોરવાણીમા 17 વર્ષીય યુવકે ખરોડ ગામના જંગલમા ઝાડ સાથે ગળાફાંસો ખાઈ આયખું ટૂંકાવ્યું..
દાહોદ તા.07
દાહોદ તાલુકાના ખરોડ ગામના જંગલમાં એક 17 વર્ષિય યુવકે અગમ્યકારણોસર ઝાડ સાથે ગળે ફાંસો ખાઈ આત્મહત્યા કરી લેતાં પરિવારજનોમાં ગમગીની છવાઈ ગઈ હતી. દાહોદના બોરવાણી ગામે બોરખળા ફળિયામાં રહેતાં ૧૭ વર્ષિય યુવકે ગત તા.૦૫મી ડિસેમ્બરના રોજ દાહોદના ખરોડ ગામના જંગલમાં એક ઝાડ સાથે પટ્ટો બાંધી ગળે ફાંસો ખાઈ આત્મહત્યા કરી લીધી હતી.
ઘટનાની જાણ આસપાસના લોકોને થતાં લોકટોળા ઘટના સ્થળે દોડી આવ્યાં હતાં. ઘટનાની જાણ મૃતક યુવકના પરિવારજનોને થતાં તેઓ પણ ઘટના સ્થળે દોડી આવ્યાં હતાં. ઉપરોક્ત યુવકના મોતને પગલે પરિવારજનોમાં ગમગીની છવાઈ ગઈ હતી. ઘટનાની જાણ સ્થાનીક પોલીસને કરવામાં આવતાં પોલીસ પણ ઘટના સ્થળે પહોંચી જઈ મૃતક યુવકના મૃતદેહની ઝાડ પરથી નીચે ઉતારી નજીકના દવાખાને પીએમ માટે રવાના કરવામાં આવ્યાં હતાં. આ સંબંધે બુધેશભાઈ લુંજાભાઈ બીલવાળે દાહોદ તાલુકા પોલીસ મથકે જાણ કરતાં પોલીસે અકસ્માત મોતના ગુનાના કાગળો કરી આગળની કાયદેસરની કાર્યવાહી હાથ ધરી છે.
