સંતરામપુર નગરની સત્ય પ્રકાશ સોસાયટીમાં બે આખલા સામ સામે બાખડયા દોડધામ મચી, વધતા જતા રખડતા ઢોરના ત્રાસને રોકવા લોકોની નગર પાલિકા પાસે માંગ

ઈલિયાશ શેખ :- સંતરામપુર

સંતરામપુર તા. ૧૯

મહીસાગર જિલ્લામાં રાખતા ઢોર પર જાણે કોઈ અંકુશ જ ન હોય તેમ છાસ વારે ઢોર બાખડવાની ઘટનાઓ બનતી રહે છે. ત્યારે સંતરામપુર નગરમાં આવી જ એક ઘટના સામે આવી છે જ્યાં બે આખલા આમને સામને બાખડતા આખા વિસ્તારને બાનમાં લીધો હતો જેથી લોકોમાં ફફડાટ જોવા મળ્યો હતો.

સંતરામપુર શહેરની સત્ય પ્રકાશ સોસાયટીમાં એ આખલાઓ સામ સામે બાખડયા હતા. આખલાઓના આ મલ ઉદ્ધ થી સ્થાનિક લોકોમાં નાસભાગ મચી હતી. અવાર નવાર ઢોર બાખડવાના બનાવો બનતા લોકોમાં ભય ફેલાયો છે. ઉલ્લેખનીય છે કે જિલ્લામાં આગાઉ રખડતા ઢોરો એ કેટલાક લોકોને ગંભીર પ્રકારની ઈજાઓ પોહચાડી છે.ત્યારે સંતરામપુર નગરમાં વધી રહેલા રખડતા ઢોરના ત્રાસે લોકોને ભયભીત કર્યા છે. ત્યારે આ સમસ્યા અંગે સંતરામપુર નગર પાલિકા યોગ્ય કાર્યવાહી કરે તેવી લોક માંગ ઉઠવા પામી છે.