![લાંબા સમયથી લાઈટ બિલ ન ભરતા લોકો સામે MGVCL ની કાર્યવાહી..](https://dahodlive.com/wp-content/uploads/2024/02/IMG-20240208-WA0003-770x377.jpg)
રાહુલ ગારી :- ગરબાડા
લાંબા સમયથી લાઈટ બિલ ન ભરતા લોકો સામે MGVCL ની કાર્યવાહી..
ગરબાડામાં MGVCL દ્વારા બે દિવસમાં 12 કનેક્શન કપાયા,ત્રણ લાખની સામે ૧.૫ લાખની રિકવરી,
આગામી સમયમાં જો તમારું બાકી રહેલું લાઈટ બિલ ન ભરશો તો તમારું પણ વીજ કનેક્શન કપાઈ શકે છે…
ગરબાડા તા.08
આમ તો કહેવાય છે કે માર્ચ મહિનો એ હિસાબી મહિનો ગણવામાં આવે છે.અને સરકાર દ્વારા બાકી રહેલી રકમની વસુરાલ કરવામાં આવતી હોય છે.ત્યારે ગરબાડા નગરમાં MGVCL દ્વારા લાઈટ બિલ ન ભરતા લોકો સામે લાલ આંખ કરી હોય તેમ જોવા મળી રહ્યું છે ગરબાડા MGVCL દ્વારા છેલ્લા ૪ દિવસ અગાઉ ગરબાડા નગર સહિત આસપાસના વિસ્તારોમાં છેલ્લા ઘણા સમયથી બાકી રહેલ લાઈટ બિલ ૪ દિવસમાં ભરવા માટે લોકોને રેડિયો મારફતે સૂચનાઓ આપવામાં આવી હતી જેમાં ગત તારીખ ૭ ફેબ્રુઆરીથી ગરબાડા નગરમાં MGVCL દ્વારા સપાટો બોલાવવામાં આવ્યો હતો અને ગરબાડા નગરના વણકરવાસ, રોહિત વાસ , આઝાદ ચોક ,સહિત ઘાંચીવાડ, વિસ્તારમાં છેલ્લા લાંબા સમયથી લાઈટ બિલ ન ભરતા તેમજ વધુ લાઈટ બિલ રકમ બાકી હોય તેમના કનેક્શન MGVCL દ્વારા કાપી કાયદેસરની કાર્યવાહી હાથ ધરવામાં આવી હતી MGVCL દ્વારા છેલ્લા ૨ દિવસમાં ૧૨ કરતાં વધુ કનેક્શન કાપી. દોઢ લાખથી વધુ રિકવરી કરી હોવાની માહિતી પ્રાથમિક તબક્કે પ્રાપ્ત થઈ રહી છે..