રાહુલ ગારી :- ગરબાડા
ગરબાડામાં સફેદ પથ્થર કાઢી ચોરી કરતા ખનન માફીયાઓ પર મામલતદારની ટીમનાં દરોડા: પથ્થરો ભરેલી બે ટ્રક ઝડપાઈ..
મામલતદાર ની ટીમે દરોડા પાડતા ખનન માફિયાઓમાં ફફડાટ .
ગરબાડા તા.21
ગરબાડા તાલુકાના ગામડે ગામડે બે નંબર માં સફેદ પથ્થર કાઢી વેચવાનો ગોરખધંધો પાછલા ઘણા વર્ષોથી ચાલી રહ્યો છે.અવારનવાર ખાણ ખનીજ વિભાગ દ્વારા આવા ખનન માફીયાઓ વિરુદ્ધ કાર્યવાહી કરવામાં આવી છે.છતા આ ખનન માફીયાઓ પથ્થર કાઢવા નું ચાલુ રાખ્યું છે.આજે ગરબાડા તાલુકાના ગાગરડી ચોકડી પાસે થી સફેદ પથ્થર ટ્રક માં મજૂર દ્વારા ભરવામાં આવી રહ્યા હતા.તે દરમિયાન ગરબાડા મામલતદાર ની ટીમ દ્વારા અચાનક આ સ્થળે ત્રાટકતા સફેદ પથ્થર ભરેલી બે ગાડીઓ ઝડપાઇ હતી મામલતદાર ટીમ દ્વારા સફેદ પથ્થર ભરેલી બે ટ્રક કાર્યવાહી માથે ગરબાડા મામલતદાર કચેરીએ લાવવામાં આવી હતી સુત્રો ના જણાવ્યા અનુસાર આ ખનન માફીયાઓ ગોધરા ના છે અને અહીંથી ગેરકાયદેસર પથ્થર કાઢી મોંધા ભાવે વેંચે છે.આવી સફેદ પથ્થર ની ચોરી આખા ગરબાડા તાલુકા માં થય રહી છે. આ સફેદ પથ્થરનો કાળો કારોબાર કરી સરકારી તિજોરી ને લાખો રૂપિયાનો જુનો ચોપડવામાં આવી રહ્યો છે ખાણખનીજ વિભાગ કડક હાથે કાર્યવાહી કરવામાં આવે તો ખનન માફીયાઓ પકડાશે.
