ઝાલોદના લીમડીમાં ગીરા જોડે દુષ્કર્મ આચારનાર પિતાને અંતિમ શ્વાસ સુધીની સજા સંભળાવતી કોર્ટ: ચાર લાખ રૂપિયાનું વળતર ચકવાશે..
દાહોદ તા. 09
ઝાલોદ તાલુકાના લીમડીમાં થોડા દિવસ અગાઉ એક સગીર અને તેના પિતા તેમજ તેની સામે રહેતા એક યુવકે અવારનવાર દુષ્કર્મ ગુજારી ગર્ભવતી બનાવી દીધી હતી. અને સગીરાએ બાળકને જન્મ પણ આપ્યો હતો. આ કેસમાં કોટે સગીરાના પિતાને દોષી ઠેરવી આજીવન કેદની સજા તેમજ ચાર લાખ રૂપિયા નો વળતર ચૂકવવાનો આદેશ કર્યો છે.
ઝાલોદ તાલુકાના લીમડી પંથકમાં એક કિશોરી વર્ષ 2024માં પિતા સાથે સામે રહેતા યુવકે પણ વારંવાર દુષ્કર્મ આચર્યુ હતું. તેના કારણે કિશોરી ગર્ભવતિ થઇ ગઇ હતી. કિશોરીએ તેની સાથે બનેલી ઘટના તેની માતાને જણાવી હતી. ત્યાર બાદ ઓક્ટોબર માસમાં કિશોરીએ ખાનગી હોસ્પિટલમાં બાળકને જન્મ આપ્યો હોવાની તથા પિતા અને ગામના એક કિશોરએ દુષ્કર્મ આચરી ગર્ભવતી બનાવ્યાની વાત ગામમાં પ્રસરી ગઇ હતી.ત્યાર બાદ કિશોરીની માતાએ પુત્રીને ગર્ભવતી બનાવનાર પિતા તથા ઘરની સામે રહેતા કિશોર સામે લીમડી પોલીસ મથકમાં દુષ્કર્મની ફરિયાદ નોંધાવી હતી. ત્યાર બાદ લીમડી પી.આઈ.કે.કે. રાજપુતે ગુનો નોંધી તપાસના અંતે બન્ને આરોપીઓ સામે પુરતો પુરાવા હોઇ ચાર્જશીટ દાખલ કરી હતી. આરોપી પિતા સામે સ્પે પોક્સો કોર્ટમાં અને કિશોર સામે જુવેનાઇલ કોર્ટમાં ચાર્જશીટ દાખલ કરી હતી. ત્યાર બાદ આ કેસ દાહોદ સેકન્ડ એડી. સ્પે. જજ ડી.જે. મેહતાની કોર્ટમાં ચાલી જતાં કોર્ટે ડોક્ટરી પુરાવો તથા વૈજ્ઞાનિક પુરાવો (DNA રિપોર્ટ પોઝીટીવ) આવતા તથા પંચનામાં અને તપાસ કરનાર અમલાદરના પુરાવો ધ્યાાને લઇ ભોગ બનનાર તથા ફરિયાદી હોસ્ટાઇલ હોવા છતા કોર્ટે સસરકારી વકીલ ટીના આર.સોનીની દલીલો ધ્યાને લઇ આરોપી પિતાને આપીસી કલમ 376(2), 376 (2)(એન) તથા પો.એ.ક. 4,6 મુજબના ગુનામાં આજીવન કેદ એટલે કે તેના બાકી રહેલા આયુષ્ય સુધીની સખત કેદ તથા રૂ.25,000 દંડ અને દંડ ન ભરે તો 1 વર્ષની સખત કેદની સજા ફટકારી હતી. તેમજ 357(એ) તતા વિ.કેમ્પે. સ્કીલ 2019 અંતર્ગત ભોગ બનનારને આખરી વળતર પેટે રૂ.4,00,000 રૂ. ચુકવાવનો હુકમ કર્યો છે. જે પેટે 75 ટકા ભોગ બનનાર નામે 3 વર્ષ મુદત વિકલ્પે પુખ્તવયની થાય બે માંથી જે સમય ગાળો વધુ હોય તે મુદત માટે ભોગ બનનારના વાલીની પસંદગીની નેશનલાઇઝ બેન્કમાં એફ.ડી કરવા અને 25 ટકા ભોગ બનનાર કિશોરીના પોતાના બેન્ક ખાતામાં ચેકથી જમા આપવા હુકમ કર્યો છે.
