Saturday, 21/12/2024
Dark Mode

ફતેપુરા તાલુકાના મકવાણાના વરૂણા હાઇવે માર્ગ ઉપર કાર-સ્કૂટર વચ્ચે અકસ્માત સર્જાતા 16 વર્ષીય છાત્રાનું મોત

By Editor Dahod Live
March 20, 2024
        3389
ફતેપુરા તાલુકાના મકવાણાના વરૂણા હાઇવે માર્ગ ઉપર કાર-સ્કૂટર વચ્ચે અકસ્માત સર્જાતા 16 વર્ષીય છાત્રાનું મોત

બાબુ સોલંકી :- સુખસર 

ફતેપુરા તાલુકાના મકવાણાના વરૂણા હાઇવે માર્ગ ઉપર કાર-સ્કૂટર વચ્ચે અકસ્માત સર્જાતા 16 વર્ષીય છાત્રાનું મોત

મૃતક કિશોરી મૂળ ઝાલોદ તાલુકાના કદવાળ ગામની ફતેપુરા તાલુકાના કુંડલા ગામે મામાના ઘરે રહી અભ્યાસ કરતી હતી

ધોરણ 10 બોર્ડની પરીક્ષા આપી મામા સાથે મોટરસાયકલ ઉપર પરત કુંડલા ગામે જતા અકસ્માત સર્જાયો

સુખસર,તા.20

ફતેપુરા તાલુકાના મકવાણાના વરૂણા હાઇવે માર્ગ ઉપર કાર-સ્કૂટર વચ્ચે અકસ્માત સર્જાતા 16 વર્ષીય છાત્રાનું મોત

      ફતેપુરા તાલુકાના સુખસર થી પસાર થતા ઝાલોદ-સંતરામપુર હાઇવે માર્ગ ઉપર વાહન ચાલકોની બેદરકારીના કારણે અવાર નવાર નાના- મોટા અકસ્માતો સર્જાઇ રહ્યા છે.અને જેમાં નિર્દોષ લોકો શારીરિક ઈજાઓના શિકાર બની રહ્યા છે.જે પૈકી કેટલાક નિર્દોષ લોકો કાળનો કોળિયો પણ બની રહ્યા છે.તેવી જ રીતે આજ રોજ બપોરના દોઢેક વાગ્યાના અરસામાં ધોરણ 10 બોર્ડની પરીક્ષા આપી મોટર સાયકલ ઉપર પરત મામા સાથે ઘરે જતા મકવાણાના વરૂણા હાઇવે માર્ગ ઉપર મોટર સાયકલ-વેગેનર કાર વચ્ચે અકસ્માત સર્જાતા એક 16 વર્ષીય કિશોરીનું મોત નીપજવા પામેલ છે. જ્યારે મોટરસાયકલ ચાલક તેના મામાને ગંભીર ઇજાઓ પહોંચતા સારવાર માટે ખસેડવામાં આવેલ હોવાનું જાણવા મળે છે.

        પ્રાપ્ત વિગતો મુજબ ઝાલોદ તાલુકાના કદવાળ ગામના ખેડા ફળિયામાં રહેતી ઉર્વશીબેન મહેશભાઈ વસૈયા ઉ.વ.16 નાઓ ફતેપુરા તાલુકાના કુંડલા ગામના તેના મામા અતુલભાઇ મોહનભાઈ ભાભોરના ઘરે રહી ધોરણ 10 નો અભ્યાસ કરતી હતી.જેથી હાલ બોર્ડની પરીક્ષા ચાલતી હોય ઉર્વશીબેન વસૈયા આજરોજ સુખસર ખાતે પરીક્ષા આપવા માટે આવી હતી.જ્યારે બપોરના એક વાગ્યાના સમયે પરીક્ષા પૂરી થતાં તેના મામા અતુલભાઈ ભાભોર મોટરસાયકલ લઈ ઉર્વશીબેનને લેવા માટે આવ્યા હતા.અને દોઢેક વાગ્યાના અરસામાં પરત કુંડલા ગામે મોટરસાયકલ ઉપર મામા-ભાણેજ જઈ રહ્યા હતા.તેવા સમયે મકવાણાના વરુણા નાલંદા પબ્લિક સ્કૂલની સામે વળાંકમાં સામેથી આવતી વેગેનર કાર નંબર જીજે-17.એન-3255 ના ચાલકે પોતાના કબજાની ગાડીને પુરપાટ અને ગફલત ભરી રીતે હંકારી લાવી અતુલભાઇ ભાભોરની મોટરસાયકલ સાથે ધડાકાભેર અથડાવતા મોટરસાયકલ ઉપર સવાર ઉર્વશીબેન તથા અતુલભાઇ નાઓ રોડ ઉપર જોશભેર પટકાયા હતા.જેમાં ઉર્વશીબેનને માથામાં તથા શરીરે ગંભીર ઇજાઓ પહોંચતા ઘટના સ્થળેજ કમકમાટી ભર્યું મોતની જવા પામેલ હોવાનું જાણવામાં આવે છે.જ્યારે અતુલભાઇ ભાભોરને પગે તથા શરીરે ગંભીર ઇજાઓ પહોંચતા સારવાર માટે ખસેડવામાં આવ્યા હોવાનું પણ જાણવા મળે છે. જુવાનીના ઉંબરે પહોંચેલી કિશોરીનું અકસ્માતે મોત નીપજતા પરિવાર સહિત મોસાળમાં હાહાકાર સાથે રોકકળ મચી જવા પામી હોવાનું જાણવા મળે છે.

      ઉપરોક્ત અકસ્માત સંદર્ભે સુખસર પોલીસને જાણ થતાં અકસ્માત

નોતરનાર વેગેનર કારને પોલીસે કબજે લઈ મૃતક કિશોરીનો મૃતદેહ સુખસર સરકારી દવાખાનામાં પી.એમ અર્થે મોકલી આપી આગળની તપાસ હાથ ધરી હોવાનું જાણવા મળે છે.

Leave a Reply

Your email address will not be published. Required fields are marked *

RELATED POSTS

૩૬ મી નેશનલ ગેમ્સ અવરેનેશ કેમ્પેઇન અંતર્ગત એસપી શ્રી બલરામ મીણાની અધ્યક્ષતામાં કાર્યક્રમ યોજાયો*

*૩૬ મી નેશનલ ગેમ્સ અવરેનેશ કેમ્પેઇન અંતર્ગત

Read More

દાહોદ ખાતે ગ્રામ્ય-શહેરી વિસ્તારનાં સ્વ-સહાય જૂથોને ચેક વિતરણ કાર્યક્રમ દંડક શ્રી રમેશભાઇ કટારાની અધ્યક્ષતામાં યોજાયો*

*વિશ્વાસ થી વિકાસ યાત્રા-દાહોદ* *દાહોદ ખાતે ગ્રામ્ય-શહેરી

Read More

વડાપ્રધાન નરેન્દ્ર મોદીના જન્મદિવસને રક્તદાન દિવસ તરીકે ઉજવાયો:357 યુનિટ બ્લડ એકત્ર થયો…

*દાહોદમાં પ્રધાનમંત્રી શ્રી નરેન્દ્રભાઇ મોદીના જન્મદિવસને રક્તદાન

Read More

દાહોદ:જુગારની લતમાં દેવાદાર બનેલા ખંડણીખોરે બંદૂકની અણીએ લૂંટને અંજામ આપ્યાનો ઘસ્ફોટક…

સુમિત વણઝારા,દાહોદ દાહોદ:જુગારની લતમાં દેવાદાર બનેલા ખંડણીખોરે

Read More

ઈમરજન્સી 108 સેવા સગર્ભા મહિલા માટે બની દેવદૂત: ઇ.એમ.ટી- પાયલોટે એમ્બ્યુલન્સમાં પ્રસુતિ કરાવી..

રાજેશ વસાવે, દાહોદ   ઈમરજન્સી 108 સેવા

Read More
error: Content is protected !!