દાહોદ:વિજકંપનીના ખાનગીકરણના વિરોધમાં એમ.જી.વી.સી.એલ.ના કર્મચારીઓએ કાળી પટ્ટી ધારણ કરી વિરોધ નોંધાવ્યો
November 27, 2020
પોતાની વિવિધ પડતર માંગણીઓ તેમજ પ્રશ્નોનું નિરાકરણ નહીં આવતાં ઘણા લાંબા સમયથી અનેકવાર એમ.જી.વી.સી.એલ. દ્વારા ભુતકાળમાં આમરણ ઉપવાસ, કામકાજથી અળગા રહી તેમજ અનેક લેખિત મૌખીક રજુઆતો સાથે વિરોધ નોંધાવ્યાના કિસ્સાઓ સામે આવ્યા છે. એમ.જી.વી.સી.એલ.માં સરકાર દ્વારા ખાનગીકરણનો રસ્તો અપનાવ્યો હોવાના આક્ષેપો સાથે દાહોદ એમ.જી.વી.સી.એલ.ના કર્મચારીઓ દ્વારા આજે કાળી પટ્ટી ધારણ કરી હતી અને એમ.જી.વી.સી.એલ.કમ્પાઉન્ડની બહાર કર્મચારીઓ સોશીયલ ડિસ્ટન્સ સાથે એકઠા થઈ સુત્રોચ્ચાર પણ કર્યા હતા.દાહોદ એમ.જી.વી.સી.એલ.ના મુખ્ય અધિકારી દ્વારા જણાવ્યા અનુસાર, જાે વીજ કંપનીનું ખાનગીકરણ થશે તો ખેડુતો, મધ્યમ વર્ગીય લોકોને વીજ બીલમાં તોતીંગ વધારો થશે અને એક યુનીટનો ભાવ ૧૫ – ૨૦ રૂપીયા થશે અત્યારે સરકારે એગ્રીકલ્ચર યુનીટને ૫૦ પૈસા યુનીટના ભાવે આપવામાં આવે છે અને તેમાં પણ સરકારની સબસીડી હોય છે અને જાે ખાનગીકરણ થશે તો સબસીડી બંધ કરશે અને ખેતીવાડીના ખેડુતોને અને મધ્યમ વર્ગીય લોકોના વીજ બીલમાં વધારો થશે. વધુમાં જણાવ્યા અનુસાર, પ્રાઈવેટ વીજ કંપની બંધ કરવા, જુની પેન્શન નીતી ચાલુ કરવી વિગેરે માંગો સાથે કાળી પટ્ટી ધારણ કરી વિરોધ નોધાવ્યો હતો. આ વિરોધમાં આજે દાહોદ જિલ્લાના ધાનપુર, દેવગઢ બારીઆ, ઝાલોદ, લીમખેડા, સંજેલી, સીંગવડ, ગરબાડા જેવા તાલુકાના વીજ કર્મચારીઓ પણ જાેડાયા હતા.
Latest News
સંજેલી પી એસ ઓ દ્વારા હોમગાર્ડ જવાન ને અપશબ્દ બોલી વદીઁ ફાડી નાખતા વિવાદ સર્જાયો | દાહોદ |
રેલ્વે વર્કશોપથી સ્ટેશન તરફ જતા રસ્તામાં સી સાઈટ નજીક રેલવેની બોગી તેમજ રિક્ષા વચ્ચે સર્જાયો અકસ્માત
લીમડી ગ્રામ પંચાયત અને આરોગયા વિભાગ દ્વારા રસીકરણ માટે જાગૃતિ લાવવા લોકો ને સમજાવ્યા | DAHOD LIVE |
દાહોદમાં ઓનલાઇન ફ્રૉડ , નિવૃત વ્યક્તિ સાથે 3.82 લાખની છેતરપિંડી | dahod live news | #dahod #frod
રેલ્વેમાં નોકરી અપાવવાની લાલચ આપી પાંચેય યુવકો પાસેથી કુલ રૂા.૧૨,૫૦,૦૦૦ રૂપીયાની છેતરપીંડી કરી
રાજ્યમાં આવતીકાલથી ગુજરાતમાં શરુ થનાર કોરોના રસીકરણ અંગે મુખ્યમંત્રી શ્રી વિજય ભાઈ રૂપાણીની જાહેરાત
જિલ્લા ભાજપ પ્રમુખ ફતેપુરા નગરમાં કાર્યકરો અને હોદ્દેદારો સાથે વડાપ્રધાન મોદીની મન કી બાત નિહાળી
કતવારા ઇન્દોર હાઈવે ઉપર ઓઇલ ભરેલ ટેન્કર ના કેબીન મા અચાનક લાગી આગ