![ફતેપરા તાલુકા પંચાયત ના ઉપપ્રમુખનો પુત્ર અને સુખસર પંચાયતના સરપંચને કોરોના પોઝિટિવ, સુખસર પંથકમાં વધતા જતા કોરોના સંક્રમણને અંકુશમાં લાવવા વહીવટી તંત્ર દ્વારા કામગીરી હાથ ધરાઇ.](https://dahodlive.com/wp-content/uploads/2020/09/IMG-20200910-WA0024-770x377.jpg)
હિતેશ કલાલ :- સુખસર
ફતેપરા તાલુકા પંચાયત ના ઉપપ્રમુખનો પુત્ર અને સુખસર પંચાયતના સરપંચને કોરોના પોઝિટિવ, સુખસર પંથકમાં વધતા જતા કોરોના સંક્રમણને અંકુશમાં લાવવા વહીવટી તંત્ર દ્વારા કામગીરી હાથ ધરાઇ.
સુખસર તા.10
ફતેપુરા તાલુકાના સુખસર સહિત પંથકમાં કોરોનાના કેસો વધતા જાય છે.ત્યારે ગ્રામ પંચાયત સહિત આરોગ્ય તંત્ર દ્વારા કોરોનાને નાથવાના પ્રયાસરૂપે તમામ કામગીરી કરવામાં આવી રહી છે. છતાં માસ્ક વિના ફરતા અનેક લોકો નજરે પડે છે.તેમજ સોશિયલ ડિસ્ટન્સનો પણ અભાવ જોવા મળી રહ્યો છે.ત્યારે જાહેરનામાનો ભંગ કરતા લોકો સામે કડક કાયદાકીય કાર્યવાહી કરવામાં આવે અને વધતો જતો રોગચાળો કાબૂમાં આવે તેની પણ જરૂર જણાઈ રહી છે. સુખસર ગ્રામ પંચાયત દ્વારા ગામમાં તેમજ કન્ટેન્મેન્ટ ઝોન વિસ્તારમાં સેનેટાઈઝર છટકાવ કરવાની કામગીરી કરવામાં આવી હતી.
ફતેપુરા તાલુકા માં કોરોના પોઝિટિવ કેસો નો ઉતરોતર વધારો નોંધાઈ રહ્યો છે સુખસર ગ્રામ પંચાયતના સરપંચ નરેશભાઈ કટારા અને ફતેપુરા તાલુકા પંચાયતના ઉપપ્રમુખના પુત્ર ગોરધન ભાઈ બારીયાનો પણ કોરોના પોઝિટિવ રિપોર્ટ આવતા ખળભળાટ મચી જવા પામ્યો છે.ગામમાં કોરોનાના કેસો વધે નહીં તે માટે ગ્રામ પંચાયત તથા આરોગ્ય તરફથી કરવી પડતી કાર્યવાહી ઉપર ચાંપતી નજર રાખવામાં આવી રહી છે.જોકે કન્ટેન્મેન્ટ ઝોન તરીકે જાહેર કરવામાં આવેલ વિસ્તારમાં કેટલીક દુકાનો ખુલ્લી જોવા મળી રહી છે.ત્યારે તે બાબતે તંત્ર દ્વારા ધ્યાન આપવાની જરૂર જણાઈ રહી છે.