જીગ્નેશ બારીયા :- દાહોદ
-
દાહોદ જિલ્લા પંચાયતમાં કોરોનાના નિયમોના ધજાગરા
-
દાહોદ જિલ્લા પંચાયત કચેરીમાં કર્મચારીઓ નિયમો નેવે મૂકી હોળી રમ્યા
-
તબીબે વિડિયો ઉતારી લીધો
-
વિડિયો સોશ્યલ મીડિયામાં વાયરલ થતાં ચકચાર
-
સરકારી કચેરીમાં જ સરકારી નિયમોની ઐસીતૈસી થતાં સામાન્ય લોકોમાં રોષ
દાહોદ તા.૨૭
દાહોદ જિલ્લામાં હાલ દિનપ્રતિદિન કોરોના સંક્રમણના કેસો કુદકેને ભુસકે વધી રહ્યાં છે. આવા સમયે દાહોદ જિલ્લા વહીવટી તંત્ર દ્વારા કોરોના સંક્રમણ પર કાબુ મેળવવા માટે મેળાવડા યોજવા તેમજ રવિવારે વાણિજ્ય પ્રવૃતિઓ ચાલુ રાખવા પર પ્રતિબંધ સહિત અનેક નિર્ણયો લઈ રહ્યાં છે ત્યારે આજે દાહોદ જિલ્લામાં સોશીયલ મિડિયામાં વાઈરલ થયેલ એક વિડિયોને પગલે જાણે કોરોના કોરોના ગાઈડ લાઈનના છડેચોક ધજાગરા ઉડતાં હોય તેમ લાગી રહ્યું છે. આ વિડિયો છે દાહોદ જિલ્લા પંચાયતનો. દાહોદ જિલ્લા પંચાયતની કચેરીમાં છુટથી હોળી રમ્યા બાદનો આ વિડીયો એક તબીબે ઉતાર્યાે હતો અને જિલ્લા પંચાયતમાં રમવામાં આવેલ હોળી દરમ્યાન કલર જમીન પર વેરાયેલા હતાં તેનો સંપુર્ણ વિડીયો ઉતારી શોસિયલ મીડીયામાં વાઈરલ કર્યાે હતો અને વિડીયોમાં આ તબીબે એમ પણ જણાવ્યું હતું કે, આ મામલે ઉચ્ચસ્તરીય રજુઆત કરવામાં આવશે.
