Friday, 11/07/2025

Dark Mode

ઝાલોદ તાલુકાના લીમડી પાસે માર્ગ અકસ્માતમાં બે યુવતીના મોતનો મામલો:યુવતીના પરિવારજનો દ્વારા ચક્કજામ કરી ભારે ધીંગાણું મચાવી પોલિસ ઉપર કર્યો પથ્થરમારો..

By Editor Dahod Live

December 23, 2020

Uncategorized

ઝાલોદ તાલુકાના લીમડી પાસે માર્ગ અકસ્માતમાં બે યુવતીના મોતનો મામલો:યુવતીના પરિવારજનો દ્વારા ચક્કજામ કરી ભારે ધીંગાણું મચાવી પોલિસ ઉપર કર્યો પથ્થરમારો..

જીગ્નેશ બારીયા :- દાહોદ

દાહોદ તા.22

ગઈકાલે ઝાલોદ તાલુકાના લીમડી નગરના ચાકલીયા રોડ ખાતે એક ટ્રકના ચાલકે રિક્ષાને અડફેટમાં લેતાં તેમાં સવાર બે આશાસ્પદ યુવતીઓના ઘટના સ્થળે મોત નિપજ્યાની ઘટના બાદ યુવતીના પરિવારજનોના ૧૨ જેટલા મહિલા સહિતના ટોળા દ્વારા લીમડી ચોકડી ખાતે રસ્તા પર ઉતરી આવી વાહન ચાલક પાસે પૈસાની માગણી સાથે ભારે હંગામો મચાવતા ઘટનાસ્થળે પોલીસ કાફલો દોડી આવ્યો હતો પોલીસે ટોળાને સમજાવવાની કોશિશ કર્યા છતાં પણ ટોળું ન માની પોલીસ પર પથ્થરમારો કરતા પંથકમાં ભયનો માહોલ સર્જાયો હતો પોલીસે આ ટોળા વિરુદ્ધ ગુનો નોંધી કાયદેસરની કાર્યવાહી હાથ ધરી ધરપકડના ચક્રો ગતિમાન કર્યા છે.

લિમડી ચાકલિયા ચોકડી ખાતે ગતરોજ મહેશભાઈ રમસુભાઈ ડામોર રહેવાસી લીલવા ઠાકોર, તુફાન ભાઈ જોર સિંગ ભાઈ ડામોર રહેવાસી લીલવા ઠાકોર, અશ્વિનભાઈ કાંતિભાઈ ડામોર રહેવાસી ખરસોડ, રાકેશભાઈ ભુરસિંગ ભાઈ સંગાડા રહેવાસી હિરોલા, અરવિંદભાઈ કીર્તન ભાઈ ગણાવા, મંગળાભાઇ ડામોર, ગજસિંગભાઈ ડામોર, વિગેરે સહિત ૧૨ જેટલા મહિલા સહિતના ટોળાએ ચાકલીયા ચોકડી પર ભાઈ પહોંચ્યા હતા અને મૃતક યુવતીઓની લાસ ન સ્વીકારી આરોપી વાહનચાલક પાસેથી અમોને પૈસા આપવા આવો નહીં તો અમો લાશ લઈશું નહીં, તેમ કહી ઝઘડો તકરાર પોલીસ સાથે કરતા હતા પોલીસે આ દરમિયાન ઉપરોક્ત ટોળાંએ ખૂબ જ સમજાવ્યા છતાં પણ આ ટોળું ન સમજતાં ટોળા દ્વારા એકદમ ઉશ્કેરાઈ જે રોડની સાઈડમાં પટેલ પથ્થરો વડે પોલીસ કર્મચારીઓ ઉપર છૂટા પથ્થરો મારી પોલીસની કાયદેસરની કાર્યવાહી માં રુકાવટ ઊભી કરી હતી આ ઘટનાથી લીમડી પંથકમાં ભારે ભયનો માહોલ પણ સર્જાયો હતો.

આ સમગ્ર ઘટના મામલે લીંબડી પોલીસે ઉપરોકત ટોળા વિરુદ્ધ ફરિયાદો નોંધી ધરપકડના ચક્રો ગતિમાન કર્યા છે.

About Author

Editor Dahod Live

ફતેપુરા તાલુકા પંચાયતના કાર્યકાળની સમય અવધિ પૂર્ણ થતાં વહીવટદાર નિમાયા

Previous Post

ફતેપુરા તાલુકા પંચાયતના કાર્યકાળની સમય અવધિ પૂર્ણ થતાં વહીવટદાર નિમાયા

સિંગવડ:કોરોના સંક્રમણને નાથવા અમૃતમય ઉકાળાનું વિતરણ કરવામાં આવ્યું

Next Post

સિંગવડ:કોરોના સંક્રમણને નાથવા અમૃતમય ઉકાળાનું વિતરણ કરવામાં આવ્યું

Leave a Reply Cancel reply

error: Content is protected !!