Wednesday, 12/02/2025
Dark Mode

દાહોદ પોલીસે સ્વભંડોળમાંથી 11 માસનુ પીડિત મહિલાની દુકાનનુ ભાડું ભર્યું:એક મહિનાનુ શાકભાજીનું માલસામાન ભરાવ્યું..  પોલીસે સામાજિક ઋણ અદા કર્યું: સંજેલીની અત્યાચાર પીડિત મહિલા “આત્મ ગૌરવ” શાકભાજી દુકાન ચલાવી સ્વાવલંબન તરફ આગળ વધશે

February 4, 2025
        1708
દાહોદ પોલીસે સ્વભંડોળમાંથી 11 માસનુ પીડિત મહિલાની દુકાનનુ ભાડું ભર્યું:એક મહિનાનુ શાકભાજીનું માલસામાન ભરાવ્યું..   પોલીસે સામાજિક ઋણ અદા કર્યું: સંજેલીની અત્યાચાર પીડિત મહિલા “આત્મ ગૌરવ” શાકભાજી દુકાન ચલાવી સ્વાવલંબન તરફ આગળ વધશે

રાજેશ વસાવે :- દાહોદ 

દાહોદ પોલીસે સ્વભંડોળમાંથી 11 માસનુ પીડિત મહિલાની દુકાનનુ ભાડું ભર્યું:એક મહિનાનુ શાકભાજીનું માલસામાન ભરાવ્યું..

પોલીસે સામાજિક ઋણ અદા કર્યું: સંજેલીની અત્યાચાર પીડિત મહિલા “આત્મ ગૌરવ” શાકભાજી દુકાન ચલાવી સ્વાવલંબન તરફ આગળ વધશે

ખેડૂત મહિલાને કનગડત ન થાય તે માટે CCTV કેમેરા લગાવ્યા:પોલીસની SHE ટીમ વિકલી મુલાકાત લઈ આવક જાવક સહિતનું મોનેટરીંગ કરશે..

ગામના અગ્રણીઓ તેમજ વેપારીઓને ખેડૂત મહિલાની દુકાને વેપાર કરાવવા અપીલ કરાશે.!!

દાહોદ તા.03

દાહોદ જિલ્લાના સંજેલી તાલુકાના ઢાળસીમલ ગામે બનેલ શર્મનાક બનાવમાં ભોગ બનનારી મહિલાને પુન આત્મ નિર્ભર બનાવવા દાહોદ પોલીસની મદદથી આત્મ ગૌરવ શાકભાજીની દુકાન શરૂ કરાવશે.જેમા સંજેલી તાલુકાના ઢાળા સીમલ ગામે બનેલ પરણીતાને અર્ધનગ્ન કરી ગામમાં વરઘોડો કાઢવાના અત્યંત ધૃણાસ્પદ બનાવમાં પોલીસે 48 કલાકમાં તમામ આરોપીઓને ઝડપી જેલ ભેગા કર્યા હતા અને તેમની શાન ઠેકાણે લાવી કાયદાનું ભાન કરાવ્યું હતું. તેમજ મહિલાની આબરૂને ઠેસ ન પહોંચે તે માટે તાત્કાલિક અસરથી આઇટી એક્ટનો ઉમેરો કરી સમગ્ર વીડિયોને વાયરલ થતા રોક્યો હતો.એટલું જ નહીં ભોગ બનનાર મહિલા સમાજમાં સ્વમાનભેર જીવી શકે એટલા માટે દાહોદ પોલીસે તેનું સામાજિક ઉત્તરદાયીત્વ પણ નિભાવી મહિલાને આત્મસન્માન પ્રાપ્ત થાય તે દિશામાં સરાહનીય કાર્ય કર્યું છે.પિડીત મહિલાના પિયર ફતેપુરા ખાતે આત્મ ગૌરવ શાકભાજી નામક દુકાન અપાવી શાકભાજીનો એક મહિનાનો માલ સામાન ભરાવી મહિલાને ગામના અગ્રણીઓ પોલીસ અધિકારીઓ વગેરેની હાજરીમાં સુપ્રત કરાર છે. સમગ્ર ગુજરાતમાં પ્રેરણા રૂપ કહી શકાય તેવો આ પ્રથમ દાખલો દાહોદ પોલીસે બેસાડ્યો હતો .

*પોલીસે સ્વભંડોળમાંથી દુકાનનો એક વર્ષનું ભાડું ચૂકવ્યું: એક મહિનાનું માલ સામાન ભરાવી સામાજીક ઋણ અદા કર્યુ.*

અત્યાચારનો ભોગ બનેલી મહિલાને ફતેપુરા ખાતે દુકાન શોધી દુકાનનો 11 માસનો કરાર પણ કરી દેવામાં આવ્યો છે. સાથે સાથે 11 માસનું ભાડું પણ પોલીસે સ્વભંડોળમાંથી એડવાન્સમાં આપી દેવામાં આવ્યો છે. આ મહિલાને એક મહિનો ચાલે તેટલો સરસામાન પણ પોલીસે ભરી આપેલ છે. એટલું જ નહીં હોલસેલ ના વેપારીઓ દ્વારા આ મહિલાને 25% માલસામાનની ખરીદીમાં ડિસ્કાઉન્ટ આપવાનું પણ પોલીસ દ્વારા જણાવતા વેપારીઓએ તૈયારી બતાવી છે.આ મહિલાના આત્મ ગૌરવને પુનઃ પ્રાપ્ત કરાવવા સહકાર આપવા વિનંતી પણ કરેલ છે પોલીસ કર્મીઓને આ મહિલા પાસેથી જ શાકભાજી ખરીદવા માટે આગ્રહ કરેલ છે ત્યારે પોતાની સામે ઊઠેલી આંગળીઓને રાજકારણીઓના પ્રશ્નોને દાહોદ પોલીસે મુક રહી સરાનીય કાર્ય કરી માત્ર ચર્ચાઓ કરવાને બદલે એક પ્રેરણાદાયી કાર્ય કરી શકાય તેનું સીમાચિહ્ન પૂરું પાડેલ છે

*મહીલાની દુકાનમા લાગેલા CCTV કેમેરાનું મોનિટરિંગ પોલીસ કરશે:SHE ટીમ વિકલી મુલાકાત લેશે..*

ફતેપુરાની પોલીસની SHE ટીમ મહિલાની વ્હારે રહી સતત તેનું મોનિટરિંગ પણ કરનાર છે એટલું જ નહીં પીડિત મહિલા સમાનભેર સમાજમાં રહી શકે અને અન્ય કોઈ ઇસમો કે અસામાજિક તત્વો તેને હેરાન ન કરે તે માટે દાહોદ પોલીસે દુકાન ઉપર સીસીટીવી કેમેરા ઉપર લગાવ્યા છે અને આ કેમેરાનું સીધું મોનિટરિંગ ફતેપુરા પોલીસ કરશે..

Leave a Reply

Your email address will not be published. Required fields are marked *

error: Content is protected !!