લીમખેડાના ચેડિયા ગામમાંથી નવજાત બાળક મળ્યુ, ઝાયડસમાં સારવાર અર્થે દાખલ કરી પોલીસે તપાસ હાથ ધરી..

દાહોદ તા.૨૦

લીમખેડા તાલુકાના ચીડિયા ગામે ગણાવા ફળીયામા આવેલા એક તુવરના ખેતર માંથી બાળક રડવાનો અવાજ આવતા સ્થાનિક લોકોએ તપાસ કરતા બે ત્રણ દિવસ અગાઉ જન્મેલ હોય તેવુ એક નવજાત બાળક કપડા વિનાની હાલમા મળી આવતા સ્થાનિક લોકો ચોંકી ઉઠ્યા હતા, કોઈ અજાણી મહિલા અથવા કોઈ વ્યક્તિ મુકી ને ફરાર થઈ ગઈ હોવાનુ પ્રાથમિક માહિતી મળી રહી છે.

સ્થાનિકોએ ઘટનાની જાણ લીમખેડા પોલીસને કરતા પોલીસ તાત્કાલિક ઘટના સ્થળે દોડી આવી હતી, અને તાત્કાલિક 108 એમ્બ્યુલન્સની મદદથી બાળકને સારવાર અર્થે દાહોદની ઝાયડસ હોસ્પિટલ ખાતે દાખલ કરવામા આવ્યુ છે, હાલ બાળકની તબિયત સ્થિર હાલતમા છે, પોલીસે અજાણ્યા ઈસમ વિરુદ્ધ ફરિયાદ દાખલ કરી બાળકના વાલી વારસોની શોધખોળ હાથ ધરી છે.