ઝાલોદ તાલુકાના મહુડી ગામેથી પોલિસે નાકાબંધી દરમિયાન સાડા ચાર લાખ ઉપરાંતનો વિદેશી દારૂ સહિતનો મુદ્દામાલ ઝડપી પાડ્યો:ચાલક પોલીસને ચકમો આપી થયો ફરાર
ઝાલોદ પોલીસને મળેલ બાતમીના આધારે પોલીસ આજરોજ સવારના ૯ થી ૧૦ વાગ્યાના સમયગાળા દરમ્યાન મહુડી ગામે આવતાં જતાં તમામ નાના મોટા વાહનોની તલાસી હાથ ધરી રહી હતી તે સમયે ત્યાંથી બાતમીમાં દર્શાવેલ એક આઈસર ગાડી પસાર થતાં પોલીસ સાબદી બની હતી પરંતુ પોલીસને જાેતાની સાથે જ આઈસર ગાડીનો ચાલક પોલીસને ચકમો આપી નાસી જતાં પોલીસે આઈસર ગાડીની તલાસી લેતાં પોલીસ સ્તબ્ધ થઈ ગઈ હતી. આ આઈસર ગાડીમાં લદોલદ વિદેશી દારૂનો જથ્થો ભરેલ હતો. પોલીસે ગણતરી કરતાં ૧૪૪ પેટીઓમાં ૬૯૧૨ બોટલો કિંમત રૂા.૪,૮૩,૮૪૦ નો જંગી જથ્થા સાથે આઈસરની કિંમત મળી કુલ રૂા.૯,૮૩,૮૪૦નો મુદ્દામાલ પોલીસે કબજે લઈ ચાલક વિરૂધ્ધ પ્રોહીનો ગુનો નોંધી કાયદેસરની કાર્યવાહી હાથ ધરી છે.
