વાહનચાલકોની ગફલત તેમજ પૂરઝડપના કારણે સર્જાયો ગમખ્વાર અકસ્માત:ફતેપુરાના હડમત ગામે હાઇવે પર બે બાઈકો સામસામે ટકરાતા ચારના મોત:એકની સ્થિતિ ગંભીર…
January 2, 2021
પ્રાપ્ત વિગતો મુજબ ફતેપુરા તાલુકાના હડમત હાઈવે માર્ગ ઉપર શનિવાર સાંજના સાતેક વાગ્યાના અરસામાં હીરો હોન્ડા સ્પ્લેન્ડર મોટર સાયકલ નંબર-જીજે.૧૭.એપી-૯૮૧૧ ઉપર ઝાલોદ તરફથી સંતરામપુરના વતની સાજીદ અમીન પઠાણ,તોકીર અમન અરબ તથા એક અન્ય તેમના પરિવારનો યુવાન ઝાલોદ લગ્ન પ્રસંગમાંથી પરત સંતરામપુર જવા માટે નીકળ્યા હતા.તેવા સમયે લખણપુરના વતની દીપકભાઈ અરવિંદભાઈ ચારેલ તથા કમલેશભાઈ ચીમનભાઈ ચારેલ બંને રહેવાસી લખણપુરનાઓ પોતાના કબજાની મોટરસાયકલ નંબર જીજે-૨૦.ક્યુ-૭૪૩૨ ઉપર સુખસર તરફથી ઘરે જઈ રહ્યા હતા.તેવા સમયે હડમત ગામે શીરા ફળિયા જતા માર્ગ પાસે આ બંને મોટરસાયકલ વચ્ચે ગમખ્વાર અકસ્માત સર્જાયો હતો.તેમાં સંતરામપુરના સાજીદ અમીન પઠાણ,તોકીર અમન અરબ તથા લખણપુરના દિપક અરવિંદભાઈ ચારેલ નાઓનું ઘટનાસ્થળે કમકમાટીભર્યું મોત નિપજવા પામ્યું હતું.જ્યારે સંતરામપુરના એક મુસ્લિમ સમાજના વ્યક્તિ જેનું નામ મળી શક્યું નથી તેઓને તાત્કાલિક ૧૦૮ એમ્બ્યુલન્સ દ્વારા લુણાવાડા ખાનગી દવાખાનામાં લઇ જવામાં આવ્યા હતા. જ્યાં તેઓનું મોત નિપજવા પામેલ હોવાનું જાણવા મળે છે. જ્યારે હાથે-પગે તથા માથામાં ગંભીર ઈજા ગ્રસ્ત કમલેશભાઈ ચીમનભાઈ ચારેલને હાલ લુણાવાડા ખાતે ખાનગી દવાખાનામાં સારવાર આપવામાં આવી રહી હોવાનું જાણવા મળે છે. ઉપરોક્ત અકસ્માતની ૧૦૮ એમ્બ્યુલન્સને જાણ કરાતા તાત્કાલિક સુખસર તથા ઝાલોદની એમ્બ્યુલન્સ ઘટના સ્થળે આવી પહોંચી હતી.અને ઈજાગ્રસ્તોને સારવાર માટે લઇ જવામાં આવ્યા હતા.
Latest News
દાહોદના 3 પુલ ભારે વાહનો માટે બંધ કરાયા:ગંભીરા બ્રિજ દુર્ઘટના બાદ મોટો નિર્ણય.! #dahodlive #dahod
જિલ્લા પંચાયતની સામાન્ય સભામાં ભારે હોબાળો:ડેપ્યુટી DDO ની બદલીના નારા લાગ્યા,જાણો શું છે મામલો.?
દાહોદમાં તેજસ રાજધાની એક્સપ્રેસ ટ્રેનનું રોકાણ:સાંસદે લીલીઝંડી આપી
આદિવાસી અસ્મિતા ની ઓળખ"ટ્રાઇબલ મ્યુઝિયમ" નું લોકાર્પણ #reels #shorts #youtubeshorts #adivasi #dahod
દાહોદ લાઇવ, સખીવન સ્ટોપ તેમજ અભયમના પ્રયાસથી મહિલા કોસ્ટેબલની દીકરીનું પરિવાર સાથે મિલન.! #dahod
દાહોદ:લીમખેડાનો ઉમરીયા ડેમ ઓવરફ્લો | ખેડૂતોમાં ખુશીનો માહોલ | તંત્ર એલર્ટ #dahod #dahodlive
દાહોદની શાળામાં 'બેગ લેસ' દિવસે બાળકો પાસે મજૂરી! સરકારી શાળામાં જ નિયમોનો ભંગ.? #DahodNews