ગૌરવ પટેલ, લીમખેડા
લીમખેડા તાલુકાના ચિલાકોટા ગામે બાઈક સ્લીપ ખાતા પાછળ બેસેલી મહિલા મોતને ભેટી..
દાહોદ તા.૦૮
દાહોદ જિલ્લાના લીમખેડા તાલુકાના ચીલાકોટા ગામે એક મોટરસાઈકલના ચાલકે મોટરસાઈકલ સ્લીપ ખવડાવી દેતાં મોટરસાઈકલની પાછળ બેઠેલ મહિલાને ગંભીર ઈજાઓને પગલે મોત નીપજ્યાંનું જાણવા મળે છે.
ગત તા.૦૭ સપ્ટેમ્બરના ચીલાકોટા ગામે રહેતો ગોપસીંગભાઈ વિરસીંગભાઈ ડામોર પોતાના કબજાની મોટરસાઈકલ લઈ મોટરસાઈકલની પાછળ ગીતાબેન હરેશભાઈ મોહનીયા (રહે. ઉંડાર, આમલી ફળિયા, તા.ધાનપુર, જિ.દાહોદ) ને બેસાડી લીમખેડા તાલુકાના ચીલોકાટા ગામેથી પોતાના કબજાની મોટરસાઈકલ લઈ પુરઝડપે અને ગફલત ભરી રીતે હંકારી પસાર થઈ રહ્યો હતો તે સમયે મોટરસાઈકલની વધુ પડતી ઝડપના કારણે મોટરસાઈકલના સ્ટેરીંગ પરનો કાબુ ગુમાવી દેતાં મોટરસાઈકલ સ્લીપ ખાઈ ગઈ હતી અને મોટરસાઈકલની પાછળ બેઠેલ ગીતાબેન મોટરસાઈકલ પરથી ફંગોળાઈ જમીન પર પટાકાતાં ગીતાબેનને શરીરે, હાથે પગે અને માથાના ભાગે ગંભીર જીવલેણ ઈજાઓ પહોંચતાં ગીતાબેનનું મોત નીપજ્યું હતું.
આ સંબંધે ઉંડાર ગામે આમલી ફળિયામાં રહેતાં કાળુભાઈ ભીલજીભાઈ મોહનીયાએ લીમખેડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
