
દે.બારિયા નગરમાં તસ્કરોનો આતંક: કરિયાણાની દુકાનનું તાળું તોડી સરસામાન પર હાથફેરો…
થોડા દિવસ અગાઉ બનેલા ઘરફોડ ચોરીના બનાવનો ભેદ ઉકેલાયો:પોલીસે તસ્કરને ઝડપી 2.80 લાખનો મુદ્દામાલ રિકવર કર્યો.
દાહોદ.તા.૧૦
દાહોદ જિલ્લાના દેવગઢ બારીઆ નગરના ધાનપુર રોડ પર દિવ્યા હોસ્પિટલની બાજુમાં આવેલ કરિયણાની દુકાનને તસ્કરોએ નિશાન બનાવી દુકાનની પાછળની બારી તોડી દુકાનમાં પ્રવેશી દુકાનમાંથી કરિયાણાનો સામાન તથા રોકડ મળી રૂપિયા ૨૪ હજાર ઉપરાંતની મત્તાનો હાથફેરો કરી ગયાનું જાણવા મળ્યું છે ત્યારે બીજી કરફ આ બનાવમાં પોલીસે તાત્કાલિક ધોરણે તપાસનો ધમધમાટ આરંભ કર્યો છે. જયારે નગરમાં થોડાક દિવસો અગાઉ બનેલ આ બનાવમાં ઘરફોડ ચોરીને અંજામ આપનાર એક ઈસમને પોલીસે ઝડપી પાડી રૂા. ૨,૮૦,૦૦૦ રીકવર કર્યાનું જાણવા મળે છે.
દેવગઢ બારીઆ નગરના ધાનપુર રોડ પર તા. ૨૭- ૯-૨૦૨૩ના રોજ ત્રાટકેલા તસ્કરોએ દિવ્યા હોસ્પિટલની બાજુમાં આવેલ તેમની કરિયાણાની દુકાનને તસ્કરોએ નિશાન બનાવી હતી. અને દુકાનની પાછળની બારી તોડી તસ્કરો દુકાનમાં પ્રવેશ્યા હતા અને દુકાનમાં મૂકેલ રૂા. ૪૦૦૦ની કિંમતના ૫૦૦ ગ્રામ વજનના કાજુના પેકેટ નંગ-૧૦, રૂપિયા ૩૭૫૦ની કિંમતના ૫૦૦ ગ્રામ વજનના બદાનમાં પેકેટ નંગ-૧૦, રૂપિયા ૧૫૭૫ની કુલ કિંમતના વાઘ બકરી ચ્હાના ૨૫૦ ગ્રામ વજનના પેકેટ નંગ-૧૫, રૂપિયા ૧૦૦૦ની કુલ કિંમતના તુલસી ચ્હાના ૨૫૦ ગ્રામના પેકેટ નંગ-૧૦, રૂપિયા ૩૦૦૦ની કુલ કિંમતના વસંત મસાલાના ૫૦૦ ગ્રામના પેકેટ નંગ૧૦, રૂપિયા ૧૫૭૫ની કુલ કિંમતની કપાસીયા તેલની પાંચ લીટરની ડબ્બીઓ નંગ-૩ તથા દુકાનના કાઉન્ટરમાં મૂકેલ ૧૦,૦૦૦ની રોકડ મળી રૂપિયા ૨૪,૯૦૦ની મત્તા ચોરીને લઈ ગયા હતા. આ સંબંધે દે.બારીયા નગરના ધાનપુર રોડ પર દિવ્યા હોસ્પિટલની બાજુમાં રહેતા કુત્બુદ્દીન તાહેરબાઈ ગુલગુલ્લા(વ્હોરા)એ નોંધાવેલ ફરિયાદને આધારે દેવગઢ બારીઆ પોલિસે ઘરફોડ ચોરીનો ગુનો નોંધી આગળની કાર્યવાહી હાથધરી અગાઉ થયેલ ઘરફોડના ચોરીનો ગુનો નોંધી આગળની કાર્યવાહી હાથધરી અગાઉ થયેલ ઘરફોડના ગુનાવાળી જગ્યાએ નવીન ફલેટમાં કલર કામ ચાલતું હોઈ તે કલરકામ કરનારા મજુરોની પુછપરછ કરતા હકીકત જાણવા મળી હતી કે ગણપતિ વિસરજ્નના તહેવાર પછી કલરકામ કરી રહેલ દેવગઢ બારીઆ રાણી વાવ ફળિયામાં અજયભાઈ શૈલેષભાઈ હરીજન નામનો મજુર કલરકામ કરવા આવતો બંધ થઈ ગયેલ છે. જેથી પોલિસે તેની તપાસ કરી તેને પકડીને પોલિસ સ્ટેશને લાવી પુછપરછ કરતાં પ્રાથમિક તબક્કે તો તે પોલિસના પ્રશ્નોના જવાબ આપવામાં ગલ્લા તલ્લા કરતા રહ્યો હતો. જેથી પોલિસે પોતાની આગવી ભાષામાં પુછપરછ હાથ ધરતાં પોપટની જેમ તેને અગાઉ રાધે ગોવિંદ ફલેટમાંથી રૂા. ૩,૩૬,૦૦૦ની રોકડ ભરેલ બેગ ચોરી લઈ ગયાની કબુલાત કર્યા બાદ દેવગઢ બારીઆ ધાનપુર રોડ, દિવ્યા હોસ્પિટલની બાજુમાં કુત્બુદ્દીન તાહેરભાઈ ગુલગુલ્લા(વ્હોરા)ની કરિયાણાની દુકાનમાં થયેલ ચોરીની પણ કબુલાત કરતા પોલિસે ઘરફોડ ચોરીના બે અનડીટેક્ટ ગુનાઓ ડીટેક્ટ કરી રૂા. ૨,૮૦,૦૦૦ની રોકડ રીકવર કરી છે.
——————————