રાજેશ વસાવે :- દાહોદ
દાહોદમાં દાઉદી વહોરા સમાજની અનોખી સેવા — પ્રચંડ ગરમીમાં નિશુલ્ક છાસ વિતરણથી રાહત
દાહોદ તા. ૩
સમગ્ર દેશભરમાં અત્યારે અસહ્ય ગરમીનો પ્રકોપ વધ્યો છે. તાપમાન દિવસેને દિવસે નવા રેકોર્ડ બનાવી રહ્યું છે, જેના કારણે સામાન્ય જનજીવન પર પણ અસર જોવા મળી રહી છે. આવી વિકટ પરિસ્થિતિમાં વિવિધ સંસ્થાઓ, સમાજો અને સેવાભાવી લોકો દ્વારા માનવતાની સુંદર મિસાલો ઉભી કરવામાં આવી રહી છે.
દાહોદ શહેરમાં પણ આવી જ એક પ્રસંશનીય પહેલ જોવા મળી રહી છે. દાહોદના સ્ટેશન રોડ પર આવેલા ભગિની સમાજ પાસે દાઉદી વહોરા સમાજ દ્વારા દર રવિવારે નિશુલ્ક છાસનું વિતરણ કરવામાં આવી રહ્યું છે. કડકડતી ગરમીમાં રાહદારીઓ, મુસાફરો તેમજ આસપાસના ગામડાંમાંથી આવનારા લોકો માટે આ સેવા ખૂબ જ ઉપયોગી સાબિત થઈ રહી છે.
આ નિશુલ્ક છાસ વિતરણ કાર્યક્રમનો લાભ દાહોદ શહેરની જનતા ઉપરાંત સ્ટેશન રોડ પરથી પસાર થનારા તમામ લોકોને મળી રહ્યો છે. ખાસ કરીને બપોરના સમયે ગરમીથી કંટાળેલા લોકો માટે ઠંડક અને તાજગી આપતી છાસ મોટી રાહતરૂપ બની રહી છે.
દાઉદી વહોરા સમાજના સભ્યોએ આ સેવાકીય કાર્યમાં ઉત્સાહપૂર્વક ભાગ લીધો છે અને સમાજસેવાની ભાવનાથી પ્રેરાઈને આ કાર્યક્રમને સફળ બનાવ્યો છે. સમાજના યુવાનો તેમજ વડીલો બંનેએ મળીને આ આયોજનને નિયમિત બનાવ્યું છે, જે માનવતા અને એકતાનું ઉત્તમ ઉદાહરણ પૂરું પાડે છે.
આ પ્રકારની સેવાઓ સમાજમાં સહકાર અને સહાનુભૂતિની ભાવનાને મજબૂત બનાવે છે અને અન્ય લોકોને પણ આવા કાર્યો માટે પ્રેરણા આપે છે. દાહોદમાં ચાલી રહેલી આ પહેલ ખરેખર પ્રશંસનીય છે અને ઉનાળાની ગરમીમાં લોકો માટે આશીર્વાદ સમાન સાબિત થઈ રહી છે.
