રાજેશ વસાવે :- દાહોદ
*તહેવારોની સિઝનની શરૂઆતમાં બેન્ક ઑફ બરોડાએ કાર લોન અને મોર્ટગેજ લોનના વ્યાજ દરોમાં ઘટાડો કર્યો*
દાહોદ તા. ૨૧
ભારતના અગ્રણી જાહેર ક્ષેત્રના બેન્કોમાંની એક, બેન્ક ઑફ બરોડાએ તહેવારોની સિઝનની શરૂઆતના અવસરે પોતાના કાર લોનના વ્યાજ દરોમાં ઘટાડાની જાહેરાત કરી છે. હવે બેન્ક ઑફ બરોડાની ફ્લોટિંગ કાર લોન વ્યાજ દરો તાત્કાલિક અસરથી 8.15% પ્રતિ વર્ષ (અગાઉ 8.40% પ્રતિ વર્ષ) થી શરૂ થશે.
આ ઘટાડો ભારતીય રિઝર્વ બેન્ક (RBI) દ્વારા નીતિગત રેપો રેટમાં 100 બેઝિસ પોઈન્ટના ઘટાડા બાદ બેન્ક દ્વારા કરવામાં આવેલા વ્યાજ દર ઘટાડા ઉપરાંત છે. 8.15% પ્રતિ વર્ષથી શરૂ થતો નવો વ્યાજ દર ફક્ત નવી કારની ખરીદી માટે લેવાતા લોન પર લાગુ પડશે અને તે ઉધાર લેનારની ક્રેડિટ પ્રોફાઇલ સાથે સંકળાયેલ છે. બેન્કે બરોડા મોર્ટગેજ લોન (સંપત્તિના બદલે લોન) પર વ્યાજ દરો પણ તાત્કાલિક અસરથી 9.85% પ્રતિ વર્ષથી ઘટાડીને 9.15% પ્રતિ વર્ષ કર્યા છે.
આ જાહેરાત અંગે વાત કરતાં શ્રી સંજય મુદાલિયર, કાર્યપાલક નિર્દેશક, બેન્ક ઑફ બરોડા એ જણાવ્યું: “તહેવારોની સિઝન નવી શરૂઆત માટે શુભ સમય હોય છે, જ્યારે અનેક પરિવારો નવી કાર ખરીદવાનું સ્વપ્ન સાકાર કરવા ઇચ્છે છે. બેન્ક ઑફ બરોડાને પોતાની કાર લોન દરોમાં ખાસ ઓફર કરતાં આનંદ થાય છે, જેના કારણે અમારા ગ્રાહકો માટે કારનો માલિક બનવું હવે વધુ સરળ અને કિફાયતી બનશે. ઉપરાંત, અમે અમારા મોર્ટગેજ લોનને પણ વધુ સ્પર્ધાત્મક બનાવ્યું છે, જેના હેઠળ ગ્રાહકોને પોતાની સંપત્તિના આધારે વધુ લોન રકમ અને સ Sibill સ્કોર મુજબ 55 BPS થી 300 BPS સુધીના વ્યાજ દર ઘટાડા સાથે વધારાનો નાણાકીય લાભ મેળવવાનો શ્રેષ્ઠ અવસર મળશે.”
બેન્ક ઑફ બરોડા કાર લોન માટે અરજદાર બેન્કના ડિજિટલ લોન પ્લેટફોર્મ – બરોડા ડિજિટલ કાર લોન મારફતે અથવા નજીકની બેન્ક શાખામાં જઈને ડિજિટલ રીતે અરજી કરી શકે છે. બરોડા કાર લોન પર બેન્ક આકર્ષક નિશ્ચિત વ્યાજ દર પણ આપે છે, જે બેન્કના અર્ધવાર્ષિક MCLR સાથે જોડાયેલ છે, જેના વ્યાજ દરની શરૂઆત 8.65% પ્રતિ વર્ષથી* થાય છે.
(નિયમો અને શરતો લાગુ)
૦૦૦
