બાબુ સોલંકી:- સુખસર
*ઝાલોદ તાલુકાના ધાવડીયા ગામની પ્રસુતાને 108 એમ્બ્યુલન્સના કર્મચારીઓએ સફળતાપૂર્વક પ્રસુતિ કરાવી*
સુખસર,તા.8
સરકાર દ્વારા દાહોદ જિલ્લામાં વિવિધ પ્રકારના દર્દીઓને નિઃશુલ્ક તાત્કાલિક સારવાર મળી રહે તે હેતુથી 108 એમ્બ્યુલન્સ ફાળવવામાં આવેલ છે.જેના લીધે અકસ્માત ગંભીર દર્દમાં પીડાતા દર્દી પ્રસુતા બહેનો અને તેમાં એક ખાસ કરીને ગરીબ પરિવારો માટે આ સેવા આશીર્વાદ રૂપ સાબિત થઈ રહી છે.અને આ સેવાથી અનેક લોકો ને પોતાના જીવ બચાવવા પ્રશંસા પાત્ર કામગીરી કરવા 108 એમ્બ્યુલન્સના કર્મચારીઓ 24 કલાક ખડાપગે રહી સેવા આપી રહ્યા છે.
આજ રોજ બપોરના એક કલાકે ધાવડીયા ભુરીઘાટી ફળિયા તા. ઝાલોદ ગામની 25 વર્ષની મહિલાને અચાનક ડીલેવરી નો દુઃખાવો ઉપાડતા ની સાથે તેમની 14 વર્ષની ભત્રીજી પ્રિયંકાએ 108 ની મદદ માંગી હતી. ઝાલોદ લોકેશનની 108 એમ્બ્યુલન્સ તરત જ કેસ મળતાની સાથે જ 108 ના કર્મચારી EMT ઉર્વશીબેન સોલંકી અને પાયલોટ અર્જુનસિંહ કટારા સ્થળ ઉપર જવા માટે રવાના થયા હતા.સ્થળ ઉપર પહોંચી પ્રસૂતા માતા ને લઈને દવાખાના તરફ રવાના થયા અને રસ્તામાં આવતા અચાનક પ્રસુતિ પીડા વધારે ઉપડતા રસ્તામાં પ્રસુતાની ડીલેવરી કરાવવી પડે તેવી પરિસ્થિતિ ઉભી થઈ હતી.ત્યારે 108 એમ્બ્યુલન્સના પેરામેડિકલ ઉર્વશીબેન સોલંકીએ 108 એમ્બ્યુલન્સમાં પ્રસ્રુતા માતાની સુરક્ષિત રસ્તાની સાઈડમાં અમ્બુલાન્સમાં ડીલીવરી કરાવી હતી. અને ફિઝિશિયન ડૉ.મહેશભાઇને પ્રસૂતાની પરિસ્થિતિ અંગેની માહિતી આપી હતી.108 ફિઝિશિયન ડૉક્ટર મહેશભાઇના માર્ગદર્શન થી EMT ઉર્વશીબેન સોલંકીનાઓએ ડૉક્ટરના માર્ગદર્શનથી જરૂરી ટ્રિટમેન્ટ આપી માતા અને બાળક ને નજીકની SDH ઝાલોદ હોસ્પિટલમાં ખસેડ્યા હતાં. આ રીતે માતા અને બાળકના જીવ બચાવીને 108 એમ્બ્યુલન્સમાં કર્મચારીઓએ દેવદૂત જેવી ફરજ નિભાવી હતી.
આમ, ઝાલોદ તાલુકાના ધાવડીયા ગામની પ્રસુતાને ડીલેવરીનો દુખાવો ઉપાડતા 14 વર્ષની કિશોરીએ 108 એમ્બ્યુલન્સને જાણ કરતા તાત્કાલિક ઝાલોદ 108 ના કર્મચારીઓ સ્થળ ઉપર પહોંચી પ્રસુતાને દવાખાને લઈ જતા સમયે રસ્તામાં ડીલેવરીનો અસહ્ય દુઃખાવો ઉપાડતા 108 એમ્બ્યુલન્સના કર્મચારીઓએ રસ્તામાં જ સફળતાપૂર્વક ડિલિવરી કરાવી પ્રશંસા પાત્ર કામગીરી કરી હોવાનું જાણવા મળે છે.
