Saturday, 25/06/2022
Dark Mode

ઝાલોદ તાલુકાના કારઠમાં ખુલ્લામાં જુગાર રમતા ત્રણ જુગારિયાઓને પોલીસે ઝડપી જેલભેગા કર્યા,22 હજાર ઉપરાંતનો મુદ્દામાલ જપ્ત..

October 18, 2021
        346
ઝાલોદ તાલુકાના કારઠમાં ખુલ્લામાં જુગાર રમતા ત્રણ જુગારિયાઓને પોલીસે ઝડપી જેલભેગા કર્યા,22 હજાર ઉપરાંતનો મુદ્દામાલ જપ્ત..

જીગ્નેશ બારીયા :- દાહોદ 

ઝાલોદ તાલુકાના કારઠમાં ખુલ્લામાં જુગાર રમતા ત્રણ જુગારિયાઓને પોલીસે ઝડપી જેલભેગા કર્યા,22 હજાર ઉપરાંતનો મુદ્દામાલ જપ્ત..

દાહોદ તા.૧૮

દાહોદ જિલ્લાના ઝાલોદ તાલુકાના કારઠ ગામે ખુલ્લા ખેતરમાં જાહેરમાં તીન પત્તીનો પૈસા વડે હારજીતનો જુગાર રમતાં ત્રણ જુગારીઓને પોલીસે ઝડપી પાડી રોકડા રૂપીયા ૧૬,૭૬૦, બે મોબાઈલ ફોન વિગેરે મળી કુલ રૂા. ૨૨,૨૬૦નો મુદ્દામાલ કબજે લઈ જુગારીઓને જેલના સળીયા પાછળ ધકેલી દીધાંનું જાણવા મળે છે.

ગત તા.૧૭મી ઓક્ટોમ્બરના રોજ ઝાલોદ તાલુકાના લીમડી પોલીસને મળેલ બાતમીના આધારે કારઠ ગામે પ્રાથમીક શાળાની પાછળ ઈંટોના ભઠ્ઠાના નજીક ખુલ્લા ખેતરમાં જાહેર તીન પત્તી વડે પૈસાથી હારજીતનો જુગાર રમતાં ઈન્દ્રજીતભાઈ વિઠ્ઠલભાઈ મેવાતીયા (રહે. કારઠ, મંદિર ફળિયુ, તા.ઝાલોદ, જિ. દાહોદ), રોનકભાઈ ભરતભાઈ બારીયા (રહે. રણીયાર સરકારી, તા. ઝાલોદ, જિ. દાહોદ) અને સુરેન્દ્રભાઈ ભુરાભાઈ નૈયા (રહે. કારઠ, મોમાઈ માતા મંદિર ફળિયું, તા. ઝાલોદ, જિ. દાહોદ) ને જુગાર રમતા ઝડપી પાડ્યાં હતાં. ત્રણેયની અંગ ઝડતીમાંથી રોકડા રૂપીયા ૧૦,૭૬૦ તથા દાવ પરથી રોકડા રૂપીયા ૬૦૦૦ એમ કુલ મળી કુલ રૂા. ૧૬,૭૬૦ની રોકડ રકમ તેમજ બે મોબાઈલ ફોન મળી કુલ રૂા. ૨૨,૨૬૦નો મુદ્દામાલ પોલીસે કબજે કરી ઉપરોક્ત ત્રણેય ઈસમો વિરૂધ્ધ લીમડી પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.

————————————–

Leave a Reply

Your email address will not be published. Required fields are marked *

error: Content is protected !!