Tuesday, 06/12/2022
Dark Mode

ઝાલોદ તાલુકાની બિલવાણી પ્રાથમિક શાળાનો 108 મો સ્થાપના દિવસ  ઉજવાયો.

October 1, 2022
        456

સુમિત વણઝારા, દાહોદ

ઝાલોદ તાલુકાની બિલવાણી પ્રાથમિક શાળાનો 108 મો સ્થાપના દિવસ  ઉજવાયો.

ઝાલોદ તાલુકાની “ બિલવાણી પ્રાથમિક ” શાળાનો 108 મો સ્થાપના દિવસ ” જન્મોત્સવ ) ઉજવવામાં આવ્યો . અંગ્રેજોના શાસનકાળ દરમ્યાન તા -01 / 10 / 1914 ના રોજ શરૂ કરવામાં આવેલી બિલવાણી પ્રાથમિક શાળાના આજે 108 વર્ષ પૂર્ણ થતાં તેની હર્ષોલ્લાસ સાથે ઉજવણી કરવામાં આવી

 

 શાળાની ઉજવણીના ભાગરૂપે એક નાનકડો કાર્યક્રમ રજૂ કરવામાં આવેલ , જેમાં શાળાના બાળકોએ સુંદર પ્રાર્થના , બાળગીત , અભિનય ગીત તથા ગરબો રજૂ કરીને ઉજવણીમાં ભાગ લીધો . આ પ્રશંગે કેક કાપી બર્થ ડે સોંગ ગાઈને , શાળાના બાળકો , શિક્ષક મિત્રો ગ્રામજનો અને મહાનુભાવોએ શાળાને અભિનંદન પાઠવ્યા . આ પ્રશંગે ઝાલોદ તાલુકા પ્રાથમિક શિક્ષણાધિકારીશ્રી એ.પી.ભાભોર સાહેબ , આંબા તાલુકા પંચાયતના સભ્યશ્રી રામુભાઈ નિનામા , ઝાલોદ શિક્ષક સંઘના પૂર્વ પ્રમુખ ડી.બી.મકવાણા સાહેબ , પેટા શાળાના આચાર્યશ્રીઓ તથા બિલવાણી ગામના ગ્રામજનો , મહાનુભાવો તથા શાળાના સ્ટાફ પરિવારે શાળાને શુભકામનાઓ પાઠવી .

108 વર્ષની શાળાની સફરના ઈતિહાસનું વર્ણન કરતાં શાળાના શિક્ષકશ્રી મનોજભાઈએ જણાવેલ કે , આ શાળાએ આજુબાજુના વિસ્તારને અનેક ડોકટરો , એંજિનીયરો સાયન્સ્ટીસ્ટ , પોલીસ અધિકારીઓ , આચાર્યો , શિક્ષકો તથા વિવિધ કર્મચારીઓ તેમજ પદાધિકારી ઓની ભેટ આપી છે . શાળાના વિકાસમાં ઘણા બધા આચાર્ય મિત્રો અને શિક્ષક મિત્રોનો ફાળો રહેલો છે . આ સમગ્ર કાર્યક્રમના આયોજનમાં શાળાના શિક્ષક ભાઈ – બહેનોએ તથા શાળાના બાળકોએ ખૂબ સુંદર સાથ સહકાર આપીને સમગ્ર કાર્યક્રમને સફળ બનાવ્યો શાળા ઉતરોતર પ્રગતી કરે સારા નાગરીકોનું જીવન ઘડતર થાય એ શાળાનો મુખ્ય ધ્યેય છે અંતમાં શાળાના આચાર્યશ્રી દ્વારા સર્વ મહાનુભાવો , ગ્રામજનો તથા શાળાના સ્ટાફ મિત્રોનો આભાર માની કાર્યક્રમ પૂર્ણ કરવામાં આવ્યો .

Leave a Reply

Your email address will not be published. Required fields are marked *

error: Content is protected !!