સુમિત વણઝારા
ફતેપુરા તાલુકાના મોટા નટવા ગામેં અગાઉના ઝઘડાની અદાવત રાખી મારક હથિયાર વડે હુમલો કર્યો
દાહોદ તા.૨૨
દાહોદ જિલ્લાના ફતેપુરા તાલુકાના મોટાનટવા ગામે અગાઉના ઝઘડાની અદાવત રાખી બે જેટલા ઈસમોએ બે વ્યક્તિઓને ધારીયાની પુઠ વડે તેમજ ગડદાપાટ્ટુનો માર મારી શરીરે ઈજાઓ પહોંચાડી ભારે ધિંગાણું મચાવતાં પોલીસમાં ફરિયાદ નોંધાંવવા પામી છે.
ગત તા.૨૧મી મેના રોજ મોટાનટવા ગામે રહેતાં મગનભાઈ તથા રાહુલભાઈ પોતાના ગામમાં રહેતાં અશ્વિનભાઈ કાનાભાઈ ચરપોટ તેના ભાઈ શૈલેષભાઈ કાનાભાઈ ચરપોટના ઘરે ચાંદલાના પૈસા આપવા માટે ગયાં હતાં જ્યાં અગાઉના ઝઘડાની અદાવત રાખી અશ્વિનભાઈ અને શૈલેષભાઈએ મગનભાઈ તથા રાહુલભાઈને બેફામ ગાળો બોલી એકદમ ઉશ્કેરાઈ જઈ ધારીયાની પુઠ વડે તેમજ ગડદાપાટ્ટુનો માર મારી શરીરે,હાથે પગે અને માથાના ભાગે ઈજાઓ પહોંચાડી મારી નાંખવાની ધમકીઓ આપતાં આ સંબંધે મોટાનટવા ગામે કેશર ફળિયામાં રહેતાં મીનાક્ષીબેન રાહુલભાઈ ચરપોટે સુખસર પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.