સંજેલીના પીછોડાના યુવકે એરગન બતાવી સગીરાનું અપહરણ કર્યા બાદ દુષ્કર્મ આચરતા ગુનો નોધાયો.. શાળાએથી ઘરે જતી 14 વર્ષની સગીરાને મિત્રની મદદથી બાઇક ઉપર અપહરણ કરાતા ચકચાર..

મહેન્દ્ર ચારેલ :- સંજેલી

સંજેલીના પીછોડાના યુવકે એરગન બતાવી સગીરાનું અપહરણ કર્યા બાદ દુષ્કર્મ આચરતા ગુનો નોધાયો..

શાળાએથી ઘરે જતી 14 વર્ષની સગીરાને મિત્રની મદદથી બાઇક ઉપર અપહરણ કરાતા ચકચાર..

યુવતીનું અપહરણ કરી દુષ્કર્મ આચારનાર યુવક અને તેના મિત્ર વિરૂધ્ધ ફરિયાદ નોંધાઈ

સંજેલી તા. 17

એરગન બતાવીને 14 વર્ષ સગીરને મિત્રની મદદ લઇ અપહરણ કરી દુષ્કર્મ કોઈને કહીશ તો મારી નાખવાની ધમકી આપતા સગીરાના પિતાએ સંજેલી પોલીસ મથકે દુષ્કર્મની ફરિયાદ નોંધાવતા સંજેલી પંથકમાં ખળભળાટ મચી જવા પામી હતી.

સંજેલી તાલુકાના પીછોડા ગામના યુવકે મિત્રની મદદથી શાળાએ ઘરે જતી તાલુકાની 14 વર્ષીય સગીરાને એરગન બતાવી મિત્રની મદદથી ધાકધમકી આપી મોટરસાયકલ ઉપર અપરણ કરી પોતાના ઘરે લઈ દુષ્કર્મ આચાર્યુ હતું. કોઈને કહીશ તો મારી નાખવાની ધમકી આપતા સગીરાના પિતાએ સંજેલી પોલીસ મથકે દુષ્કર્મની ફરિયાદ નોંધાવતા સંજેલી પંથકમાં ખળભળાટ મચી ગયો હતો. સંજેલી તાલુકાના પીછોડા ગામે રહેતા નિલેશ ઉર્ફે મનીષ રમેશ ડામોર અને તેનો મિત્ર સીરીષ

સંગેશ ભુરીયા રે.પીછોડા મોટર સાયકલ લઈ અને તાલુકાની એક શાળામાંથી અભ્યાસ કરી અને પરત ઘરે જતી 14 વર્ષ અને ત્રણ માસની તરુણીને એરગનના ઇશારે ધાક ધમકી આપી મોટર સાયકલ ઉપર અપહરણ કરી લઈ ફરાર થઈ ગયો હતો. સગીરાને પોતાના ઘરે લઈ જઈ સગીરાની મરજી વિરુદ્ધ વારંવાર દુષ્કર્મ આચર્યું હતું. સગીરા શાળાએથી ઘરે ન પહોંચતા તેના પરિવારે સગા સંબંધીઓ તેમજ આમ તેમ તેની તપાસ હાથ ધરી હતી. સગીરા તેની મિત્ર સાથે ઘરે જઈ રહેતી તે દરમિયાન તેની મિત્રના ઘરેથી પાણી પી અને ઘરે જવા માટે રવાના થઈ હતી. જે

બાદ પીછોડા ગામના યુવકે સગીરાના એક્લતાનો લાભ લઈ અને તેના મિત્રની મદદથી તેને બાઈક પર એરગન બતાવી અને ઉઠાવી લઈ ગયો હતો. જે બાદ તેનું મરજી વિરુદ્ધ દુષ્કર્મ આચાર્યુ હતું. વહેલી સવારે તાલુકાના એક જંગલમાં સગીરા સાથે યુવક ફરતા હોવાનું જાણવા મળતા સગીરાના પિતા અને તેના પરિવાર જંગલ તરફ દોડી ગયા હતા. અને બનાવ સંદર્ભે સગીરા હેમખેમ મળી આવતા બનાવ સંદર્ભે સગીરાના પિતાએ સંજેલી પોલીસ મથકે યુવતીનું અપહરણ કરી દુષ્કર્મ આચારનાર યુવક અને તેના મિત્ર વિરૂધ્ધ ફરિયાદ નોંધાવી હતી.