ઝાલોદના મૂનખોસલા- હોળી પીપળાને જોડતો કોઝ વે ધોવાયો...

ઝાલોદના મૂનખોસલા- હોળી પીપળાને જોડતો કોઝ વે ધોવાયો…

દાહોદ તા. ૨૯

ઝાલોદ તાલુકાના મુનખોસલાથી હોળી પીપળાને જોડતો અને થોડા સમય પહેલા જ લોકાર્પણ કરાયેલો કોઝવે પ્રથમ વરસાદમાં જ ધોવાઈ જતા કોન્ટ્રાક્ટર દ્વારા હલકી ગુણવત્તા વાળું કામ કર્યો હોવાના સ્થાનિકો દ્વારા આક્ષેપો કરવામાં આવી રહ્યા છે. થોડા સમય પહેલા જ ભાજપના નેતાઓની ઉપસ્થિતિમાં આ કોઝ વેનુ લોકાર્પણ કરવામાં આવ્યું હતું. જે ગતરોજ વરસાદી માહોલ દરમિયાન પાણીના પ્રવાહમાં ધોવાઈ જતા ચારથી પાંચ ફળિયા અને ગામોનો સંપર્ક તૂટી જવા પામ્યો છે. આ કોઝવે તૂટતા શાળાએ જતા બાળકોને પણ સીધી અસર પડે તેવું છે. નેતાઓ અધિકારીઓ અને કોન્ટ્રાક્ટરોની મીલીભગતના પગલે હલકી ગુણવત્તા નું મટીરીયલ વાપરી બનાવવામાં આવેલો કોઝવે વરસાદમાં ધોવાયો છે.