![સીંગવડ તાલુકાના સુડીયા ગામેં ગમન સાંથલ મામલામાં મારક હથિયારો સાથે આવેલા છ માણસોના ટોળાએ ચાર ને ઢોર માર માર્યો..](https://dahodlive.com/wp-content/uploads/2022/06/2020_8image_19_59_015327557maarpeetinkangra-ll-1-600x377.jpg)
સુમિત વણઝારા
સીંગવડ તાલુકાના સુડીયા ગામેં ગમન સાંથલ મામલામાં મારક હથિયારો સાથે આવેલા છ માણસોના ટોળાએ ચાર ને ઢોર માર માર્યો..
દાહોદ તા.૦૯
દાહોદ જિલ્લાના સીંગવડ તાલુકાના સુડીયા ગામે જમીન સંબંધી મામલે ૬ જેટલા ઈસમોએ એકસંપ થઈ ગેરકાયદે મંડળી બનાવી પોતાની સાથે મારક હથિયારો ધારણ કરી આવી ચાર જણાને શરીરે ઈજાઓ પહોંચાડી ભારે ધિંગાણું મચાવતાં પોલીસમાં ફરિયાદ નોંધાંવવા પામી છે.
ગત તા.૭મી જુલાઈના રોજ સીંગવડ તાલુકાના સુડીયા ગામે રહેતાં બદીયાભાઈ મડીયાભાઈ ચારેલ, રાકેશભાઈ નરસીંગભાઈ ચારેલ, નરેશબાઈ સુરમલભાઈ ચારેલ, ટીકલાભાઈ બદીયાભાઈ ચારેલ, પીયુષભાઈ રમણભાઈ ચારેલ અને સુરમલભાઈ મડીયાભાઈ ચારેલનાઓએ ગેરકાયદે મંડળી બનાવી પોતાની સાથે લોખંડની પાઈપ તેમજ લાકડીઓ લઈ ગામમાં રહેતાં મુકેશભાઈ બચુભાઈ ચારેલના ઘરે આવ્યાં હતાં અને બેફામ ગાળો બોલી એકદમ ઉશ્કેરાઈ જઈ લોખંડની પાઈપ વડે, લાકડી વડે તેમજ ગડદાપાટ્ટુનો માર મારી મુકેશભાઈને, સબુરભાઈ ભુરકાભાઈને, મસુલભાઈ ભુરકાભાઈ, મલસીંગભાઈ સબુરભાઈને માર મારી શરીરે, હાથે પગે અને માથાના ભાગે ઈજાઓ પહોંચાડી મારી નાંખવાની ધમકી આપી ભારે ધિંગાણું મચાવતાં આ સંબંધે ઈજાગ્રસ્ત મુકેશભાઈ બચુભાઈ ચારેલે રણધીકપુર પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાર્યવાહી હાથ ધરી છે.