
ઝાલોદની ધાવડીયા ચેકપોસ્ટ પર રાજસ્થાન પરિવહન નિગમની સરકારી બસમાંથી 25 હજાર ઉપરાંતનો વિદેશી દારૂ ઝડપાયો, કંડકટર વિરુદ્ધ ગુનો દાખલ…
દાહોદ તા.05
દાહોદ પોલીસે રાજસ્થાન પરિવહનની સરકારી બસમાંથી 26 હજારના વિદેશી દારૂનો જથ્થો ઝડપી બસના કંડકટર સામે પ્રોહિબિશન અંગેનો ગુનો દાખલ કરતા ખળભળાટ મચી જવા પામ્યો છે.
પ્રાપ્ત માહિતી અનુસાર રાજસ્થાન પરિવહન નિગમની નિમ્બાહેડા-બાસવાડા-વડોદરા તરફ જતી Rj-14-PC-4745 નંબરની રાજસ્થાન પરિવહન નિગમની બસમાં વિદેશી દારૂ લવાતો હોવાની બાતમી ઝાલોદ પોલીસને મળતા ઝાલોદ પોલીસે રાજસ્થાન ગુજરાતને જોડતી ધાવડિયા ચેકપોસ્ટ પર વોચ ગોઠવી હતી. અને જેવી બસ આવતા પોલીસે બસને રોકી તલાસી લીધા તેમાંથી ભારતીય બનાવટના વિદેશી દારૂની 298 બોટલ મળી 26,512 નો વિદેશી દારૂ મળી આવતા પોલીસે વિદેશી દારૂનો જથ્થો જપ્ત કરી રાજસ્થાનના નીબાહેડા સતખેડા ગામના સરકારી બસના કંડકટર શંભુ નાનું ટેલર વિરુદ્ધ પ્રોહીબિશન અંગેનો ગુનો દાખલ કર્યો હતો.