Saturday, 12/07/2025

Dark Mode

દાહોદ જિલ્લામાં કોરોના બોંબ ફૂટ્યો:સાગમટે કોરોના સંક્રમિતના 16 કેસો સાથે એક્ટિવ કેસોનો આંકડો 80 પર પહોંચ્યો:વધુ 6 કોરોના મુક્ત થયાં

By Editor Dahod Live

July 13, 2020

दाहोद

દાહોદ જિલ્લામાં કોરોના બોંબ ફૂટ્યો:સાગમટે કોરોના સંક્રમિતના 16 કેસો સાથે એક્ટિવ કેસોનો આંકડો 80 પર પહોંચ્યો:વધુ 6 કોરોના મુક્ત થયાં

નીલ ડોડીયાર @ દાહોદ

દાહોદ તા.12

દાહોદ જિલ્લામાં આજરોજ વધુ એક વાર કોરોના કોરોના બોંબ ફૂટતા શહેર સહીત જિલ્લામાં હાહાકાર મચી જવા પામ્યો છે.વધુ મળતી માહિતી પ્રમાણે દાહોદ જિલ્લામાં એક સાથે 16 કોરોના પોઝીટીવના કેસોના ધડાકા સાથે જિલ્લામાં ભયની સાથે ફફડાટ ફેલાઈ જવા પામ્યો છે.દાહોદ જિલ્લામાં કોરોના કેસોમાં સતતવધારો થતાં આરોગ્ય વિભાગ પણ વિમાસણમાં મુકાઈ જવા પામ્યો છે.જ્યારે જિલ્લાના કુલ 151 કેસોમાંથી કોરોનાના સૌથી વધુ 116 જેટલાં કેસો દાહોદ શહેરમાંથી નોંધાતા શહેરીજનોમાં ફફડાટ ફેલાઈ જવા પામ્યો છે.આરોગ્ય વિભાગ દ્વારા 184 જેટલાં સેમ્પલો કલેક્ટ કરી તપાસઅર્થે મોકલ્યા હતા જે પૈકી 168 લોકોના રિપોર્ટ નેગેટિવ આવવા પામ્યા છે.તેમજ સાગમટે વધુ 16 કોરોના સંક્રમિત કેસોમાં વધારો થવા પામ્યો છે.જ્યારે આજરોજ અત્રેના ઝાયડસ હોસ્પિટલમાંથી વધુ છ દર્દીઓ કોરોના મુક્ત થઈ ઘરે જતા રહેતા કોરોનાના એક્ટિવ કેસોનો આંકડો 80 પર પહોંચવા પામ્યો છે.

દાહોદ જિલ્લામાં અનલોક 2 ના પ્રથમ દિવસથી જ કોરોનાનો કાળો કેર યથાવત રહેવા પામ્યો છે.જેને પગલે દાહોદ જિલ્લાના વિવિધ વેપારી સંગઠનો વેપારી મંડળો સહીતના ધંધા રોજગાર કરતા વેપારીઓએ સાવચેતીના ભાગરૂપે દુકાનના સમયમાં સ્વૈચ્છિક ફેરફાર પણ કરી દીધો છે.ત્યારે છેલ્લા બે અઠવાડિયા કરતા વધુ સમયથી સતત કોરોના દર્દીઓમાં વધારો થતાં આરોગ્ય તંત્રની કામગીરી પણ વધી જવા પામી છે.
આરોગ્ય વિભાગે ગઈકાલે 184 લોકોના સેમ્પલ કલેક્ટ કરી ચકાસણી અર્થે મોકલવામાં આવ્યા હતા જે પૈકી 168 લોકોના રિપોર્ટ નેગેટિવ આવ્યા હતા જયારે (1) 29 વર્ષીય હાતીમ સીદીકી મીઠાશેઠ રહે.દાહોદ, (2) 42 વર્ષીય યુસુફભાઈ મુસાભાઇ પાટૂક, રહે. ઘાંચીવાડ,(3)55 વર્ષીય સલીમુદ્દીન જિયાઉદ્દીન કાજી રહે. મોટા ઘાંચીવાડ, (4)22 વર્ષીય પ્રદીપકુમાર બલવંતસિંગ પરમાર રહે.દુધિયા લીમખેડા(5)86 વર્ષીય અસગરભાઈ અલી મોહમદભાઈ ગુનાટાવાળા રહે. હુસેની મોહલ્લા(6)42 વર્ષીય વિનોદભાઈ ફાટુદાસ માલવાની દાહોદ, (7) 65 વર્ષીય અશ્વિનભાઈ ચંદ્રકાંત શાહ મંડાવરોડ, (8)65 વર્ષીય પંકજભાઈ બાબુભાઈ દેસાઈ રહે દેસાઈવાડ, (9)35 વર્ષીય અફઝલહુસૈન અબ્દુલ હુસેન શેખ,ગોદીરોડ, (10) 43 વર્ષીય યુસુફભાઇ શબ્બીરભાઈ રાજપુરવાળા રહે. ગોદીરોડ, (11)55 વર્ષીય ખોજેમાં મોહમ્મદભાઈ બુટવાળા રહે.એમ.જી.રોડ, (12)65 વર્ષીય રાજેન્દ્ર કુમાર દુલખસભાઈ કોઠારી રહે. આશીર્વાદ સોસાયટી,ગોવિંદનગર, (13)62 વર્ષીય રમેશચંદ્ર મણિલાલ સેવક દેસાઈવાડ, (14)55 વર્ષીય મહેશભાઈ શંકરલાલ પરમાર રહે. મોટા ડબગરવાડ,(15)70 વર્ષીય કિરીટભાઈ મોહનલાલ દોશી રહે.ખરોદાવાડ દાહોદ, (16)75 વર્ષીય કુતુબુદ્દીન અબ્દુલહુસૈન કાજી રહે. ગોધરારોડ સહીત આજરોજ એક સાથે અધધ.. 16 કોરોના પોઝીટીવના દર્દીઓ નોંધાતા શહેર સહીત જિલ્લામાં ખળભળાટની સાથે ફફડાટ ફેલાઈ જવા પામ્યો છે. આરોગ્ય વિભાગ દ્વારા આજરોજ કોરોના પોઝિટિવ નોંધાયેલા દર્દીઓના ટ્રાવેલ હિસ્ટ્રીને ટ્રેસીંગ કરી તેમના સંપર્કમાં આવેલા લોકોને કોલર ટાઇટ કરવાની તજવીજ હાથ ધરી છે. જ્યારે દાહોદ શહેરમાં વધુને વધુ દિન-પ્રતિદિન કોરોના સંક્રમિત કેસ સામે આવતા એક પ્રકારનું ભયની સાથે ફફડાટ ફેલાઈ જવા પામ્યો છે.જ્યારે આરોગ્ય વિભાગ દ્વારા અત્યાર સુધીમાં સરકારી કોરોનટાઇન તેમજ હોમ કોરોનટાઇન કરી કુલ 8503 લોકોના સેમ્પલ એક્ત્ર કરી ચકાસણી અર્થે મોકલવામાં આવ્યાં હતાં.તે પૈકી 8211 લોકોના રિપોર્ટ નેગેટિવ આવવા પામ્યા છે.હાલ કુલ 157 ના રિપોર્ટ હાલ પેન્ડિંગ છે.જોકે દાહોદ જિલ્લામાં કોરોના સંક્રમિતના કુલ 151 કેસો નોંધાવવા પામ્યા છે.જોકે 65 લોકો કોરોના મુક્ત થઈ હોસ્પિટલમાંથી ઘરે જતા રહેતા હાલ 80 એક્ટિવ કેસો અત્રેના હોસ્પિટલમાં સારવાર લઇ રહ્યા છે.જ્યારે 6 લોકોનું કોરોના ના કારણે મૃત્યુ નિપજ્યા હોવાના પણ અહેવાલો પણ પ્રાપ્ત થયા છે.

About Author

Editor Dahod Live

Previous Post

દે.બારીયાના આંકલી તેમજ ખાંડણીયા ગામનો સ્ટેટ હાઇવે ખખડધજ હાલતમાં:ઇજારદાર દ્વારા પૂર્ણ કરવામાં ના આવતા વાહન ચાલકોને હાલાકી ભોગવવાનો વારો

ફતેપુરામાં સારવાર કરાવી વડોદરા ગયેલી વૃદ્ધા કોરોના સંક્રમિત આવતા ચકચાર:ફતેપુરાના ખાનગી તબીબ સહિત 6 લોકોને કોરોનટાઇન કરાયાં

Next Post

ફતેપુરામાં સારવાર કરાવી વડોદરા ગયેલી વૃદ્ધા કોરોના સંક્રમિત આવતા ચકચાર:ફતેપુરાના ખાનગી તબીબ સહિત 6 લોકોને કોરોનટાઇન કરાયાં

Leave a Reply Cancel reply

error: Content is protected !!