ફતેપુરા તાલુકાના ઇ-ગ્રામ વીસીઈના પ્રશ્નોનું નિરાકરણ ના આવતા કામગીરીનો બહિષ્કાર કરવાની ચીમકી:ગ્રામ પંચાયતના સાહસિકો દ્વારા પોતાની વિવિધ માંગણીઓને લઇને મામલતદારશ્રીને આવેદનપત્ર પાઠવ્યું

  વિનોદ પ્રજાપતિ,શબ્બીર સુનેલવાલ :- ફતેપુરા

ફતેપુરા તાલુકાના ઇ-ગ્રામ વીસીઈના પ્રશ્નોનું નિરાકરણ ના આવતા કામગીરીનો બહિષ્કાર કરવાની ચીમકી,વીસીઈના નિરાકરણ માટે ફતેપુરા મામલતદાર સાહેબ તેમજ તાલુકા વિકાસ અધિકારી સાહેબ ને આવેદનપત્ર આપવામાં આવ્યું

ફતેપુરા તા.29

ફતેપુરા તાલુકામાં ગુજરાત સરકારની ઈ-ગ્રામ વિશ્વ ગ્રામ યોજના ચાલી રહી છે.જેમાં કામ કરતા કર્મચારીઓને યોગ્ય પગાર ધોરણ ન મળતા આજરોજ ફતેપુરા તાલુકાના મામલતદાર સાહેબ તેમજ તાલુકા વિકાસ અધિકારી આમલીયારને આવેદનપત્ર આપી રજૂઆત કરવામાં આવી હતી

ફતેપુરા તાલુકામાં ઈ-ગ્રામ વિશ્વ ગ્રામ યોજના હેઠળ વી.સી.ઈને છેલ્લા 14 વર્ષથી વગર પગારે કમિશન પર કામ કરે છે સરકાર શ્રી દ્વારા વી.સી.ઈના હિત માટે પગલાં ભરવા જોઇએ પરંતુ વી.સી.ઈના હિત માટે પગલા ભરવામાં ન આવતા અને વીસીઇ ને કોઈ લાભ કે પગાર ધોરણ બાબતે વિચાર ન કરતા વી.સી.ઈ મંડળ દ્વારા અવાર-નવાર રજૂઆતો કરવા છતાં કોઈ નિરાકરણ કરવામાં આવેલ નથી.તો રાજ્ય મંડળ દ્વારા કામગીરીનો બહિષ્કાર કરવાનો નિર્ણય કરેલો છે તેઓ આવેદનપત્રમાં જણાવ્યું હતું.

હાલ કોરોના મહામારી ના કારણે વી.સી.ઈ દ્વારા ખેડૂતોના ઘસારા ના કારણે મગફળી રજીસ્ટ્રેશન અને ૩૭,૦૦ કરોડ સહાય પેકેજની એન્ટ્રી કરતા વી.સી.ઈ કોરોના ગ્રસ્ત થવાની સંભાવના છે.તથા અગાઉ પીએમ કિસાન કૃષિ સહાય જન્મ-મરણ રીએન્ટ્રી કરેલ હોય બે વર્ષ જેટલો સમય થયો તેમ છતાં હજુ સુધી ચુકવણું કરવામાં આવેલું નથી તથા છેલ્લા ૧૪ વરસથી કમિશન પર કામ કરતા હોય કમિશન વધવાને બદલે ઘટી ગયું છે અને મોંઘવારીના સમયમાં કમિશન પર કામ કરવું પોસાય તેમ ના હોય અને પગાર આપવામાં આવતો ન હોય તો એની હાલત દયનીય છે 14 માં નાણાપંચમા ઈ-ગ્રામ માટે વીસીઈ ના પગાર બાબતે દસ ટકા ગ્રાન્ટનો પરિપત્ર હોવા છતાં આજદિન સુધી ચૂકવેલ નથી.તો અમને વીમા કવચનો લાભ આપવો કમિશન પ્રથા બંધ કરી પગારધોરણ નક્કી કરવું અગાઉ પીએમ કિસાન કૃષિ સહાય જન્મ-મરણ ,ઇ એલ ઓલ, ઈપીક – ઇલેક્શન વિલેજ ઓડીએફ શોચાલય ટેકિંગ વિ, એન્ટ્રી નું ચુકવણું તાત્કાલિક કરવા કરવું તારીખ 24.9.2020 ના રોજ માન્ય મુખ્યમંત્રીશ્રીને તેમજ વિકાસ કમિશનરશ્રી ને આ બાબતે વી.સી.ઈ રાજ્ય મંડળ દ્વારા જાણ કરવામાં આવેલી છે એવું જણાવવામાં આવ્યું હતું