શબ્બીરભાઈ સુનેલવાલા :- ફતેપુરા
વંદે ગુજરાત વિકાસ યાત્રાનો રથ ફતેપુરાના લીમડીયા ગામે પહોંચ્યો
વિધાનસભા દંડક શ્રી રમેશભાઇ કટારાની ઉપસ્થિતિમાં ફતેપુરા તાલુકાના લીમડીયા ગામે કાર્યક્રમ યોજાયો
લાભાર્થી નાગરિકોને વિવિધ યોજનાકીય લાભોનું વિતરણ કરાયુ
વંદે ગુજરાત વિકાસ યાત્રા અંતર્ગત આજે ફતેપુરાના લીમડીયા ગામ ખાતે વિધાનસભાના દંડક શ્રી રમેશભાઇ કટારાની ઉપસ્થિતિમાં કાર્યક્રમ યોજાયો હતો. વંદે ગુજરાત વિકાસ યાત્રાના રથનું ગ્રામજનોએ ઉમળકાભેર સ્વાગત કર્યું હતું અને મહાનુભાવોએ કાર્યક્રમ અંતર્ગત લાભાર્થી નાગરિકોને વિવિધ યોજનાકીય લાભોનું વિતરણ કર્યું હતું. દંડક શ્રી રમેશભાઇ કટારાએ જણાવ્યું કે, ગુજરાત રાજ્યે છેલ્લા બે દાયકામાં વિકાસની હરણફાળ ભરી છે. રાજ્યે તમામ દિશાઓમાં વિકાસના નવા સીમાચિહ્નો સર કર્યા છે ત્યારે દાહોદ જિલ્લામાં પણ વિકાસના ફળ સામાન્ય લોકો સુધી પહોંચ્યા છે. જનકલ્યાણની વિવિધ યોજનાઓ સરકાર દ્વારા લાગુ કરાઇ છે ત્યારે નાગરિકો પણ મોટા પ્રમાણમાં આ યોજનાઓનો લાભ લે.
તેમણે જણાવ્યું કે, વંદે ગુજરાત વિકાસ યાત્રાનો રથ તમારે ગામ પહોંચે ત્યારે તમારા ગામમાં જ તમને વિવિધ યોજનાઓનો લાભ અપાઇ રહ્યો હોય ત્યારે આ કાર્યક્રમમાં સહભાગી થવું જોઇએ અને ગુજરાતે છેલ્લા બે દાયકામાં કરેલા વિકાસને ફિલ્મના માધ્યમથી દર્શાવાઇ રહી છે ત્યારે તેનો પણ લાભ લેવો જોઇએ. લીમડીયા ગામમાં આજે વંદે ગુજરાત વિકાસ યાત્રાનો રથ પહોંચતા ગ્રામજનોએ રથનું સ્વાગત કર્યું હતું અને મોટી સંખ્યામાં કાર્યક્રમમાં સહભાગી થયા હતા. ગામમાં ભવાઇના કાર્યક્રમ થકી રસપ્રદ શૈલીમાં ગ્રામજનોને સરકારની વિવિધ યોજનાઓની માહિતી અપાઇ હતી. ગ્રામજનોએ રથ સાથે દર્શાવાયલી ફિલ્મને પણ રસપૂર્વક નિહાળી હતી. કાર્યક્રમ સ્થળે ગ્રામજનોને પ્રધાનમંત્રી આવાસ યોજના, આયુષ્યમાન ભારત મા યોજના સહિતની ગ્રામજનોને પ્રધાનમંત્રી આવાસ યોજના આયુષ્યમાન ભારત યોજના સહિતની વિવિધ યોજનાઓનો લાભ મહાનુભાવોને હસ્તે વિતરણ કર્યા હતા આ કાર્યક્રમમાં તાલુકા વિકાસ અધિકારી શ્રી જગતસિંહ ઠાકોર ભાજપ આગેવાન ચુનીલાલ ચરપોટ ચતુરભાઈ પાંડોરજિલ્લા પંચાયતના સભ્ય શ્રી મુકેશભાઈ ઉર્ફે ટીનાભાઇ પારગી તાલુકા સભ્ય આરોગ્ય સ્ટાફ ગામના અગ્રણીઓ ગ્રામજનો મોટી સંખ્યામાં ઉપસ્થિત રહ્યા હતા.
