યાસીન ભાભોર ફતેપુરા
ફતેપુરા તાલુકા પંચાયત કચેરીના સભાખંડ તાલુકા પંચાયતની સામાન્ય સભા યોજાઈ
આજરોજ ફતેપુરા તાલુકાના મુખ્ય મથક ફતેપુરા ખાતે તાલુકા પંચાયત કચેરીના સભાખંડમાં ફતેપુરા વિધાનસભાના ધારાસભ્ય રમેશ કટારા ના અધ્યક્ષ સ્થાને તેમજ ફતેપુરા તાલુકા વિકાસ અધિકારી કે એ વસાવા અને ફતેપુરા તાલુકા પંચાયત પ્રમુખ આર.ડી પારગી ની ઉપસ્થિતિમાં ફતેપુરા તાલુકા પંચાયત કચેરીની સામાન્ય સભા યોજાઈ.
ઉપસ્થિત અધિકારીઓ દ્વારા ધારાસભ્ય રમેશ કટારાનું સ્વાગત કરીને સામાન્ય સભાની શરૂઆત કરવામાં આવી.
સામાન્ય સભાની શરૂઆતમાં ગત સામાન્ય સભાના પ્રોસિડિંગ અને ઠરાવો વંચાણે લેવામાં આવ્યા તેમજ સામાન્ય સભાના ઠરાવો મંજૂર કરવામાં આવ્યા.
આજની સામાન્ય સભામાં ફતેપુરા તાલુકા પંચાયત કચેરી વર્ષ 2023 24 અંદાજપત્ર અને બજેટ રજૂ કરવામાં આવ્યુ.
આ સામાન્ય સભામાં ફતેપુરા તાલુકા પંચાયત કચેરીના ચૂંટાયેલા તમામ તાલુકા સભ્યો તેમજ ફતેપુરા તાલુકા પંચાયત કચેરીના તમામ અધિકારીઓ અને કર્મચારીઓ ઉપસ્થિત રહ્યા હતા
