દાહોદ ડેસ્ક તા.૨૯
દાહોદ શહેરના ચાકલીયા રોડ પર એક રહેણાંક મકાનમાં ઝાલોદ તાલુકામાં સી.ડી.ઈ.પી.આએ. ઘટક – માં ફજર બજાવતાં એક મહિલા કર્મચારી એક જાગૃત નાગરિકને નોકરીમાં લેવડાવવા બાબતે રૂ.૧૫ હજારની લાંચ લેતા પંચમહાલ એસીબીના હાથે ઝડપાઈ જતાં સરકારી આલમમાં ખળભાળાટ મચી જવા પામ્યો છે. આ ટ્રેપમાં એક વધુ મહિલા કર્મચારી પણ સંડોવાયેલ હોવાનું બહાર આવ્યું છે અને જે હાલ રજા પર હોવાથી પોલીસ પકડથી દુર રહ્યા છે.
જયાબેન હિરાભાઈ પરમાર (સી.ડી.ઈ.પી.ઓ.,ઝાલોદ ઘટક – જિ.દાહોદ વર્ગ -૩ ના કર્મચારી) અને દક્ષાબેન ચૌહાણ (પ્રોગ્રામ ઓફિસર આઈ.ડી.ડી.એસ. કચેરી દાહોદ, વર્ગ – ૧, મહિલા અને બાળ વિકાસ વિભાગ) આ બંન્ને મહિલાઓએ એક જાગૃત નાગરિકને બ્લોક કો.ઓર્ડિનેટર તરીકે કરાર આધારીત કર્મચારી હોય તેઓને નોકરીમાંથી છુટા નહીં કરવાના કામે જયાબેને દક્ષાબેનને પાસે ભલામણ કરી હતી. આ ભલામણ બાદ જાગૃત નાગરિકને બીજી વખત નોકરીમાં લેવડાવ્યા હતા. આ બદલ દક્ષાબેને રૂ.૧૫ હજારની લાંચની માંગણી કરી હતી. આ લાંચની રકમ જાગૃત નાગરિક આપવા માંગતા ન હોવાથી તેએ એસીબી પોલિસનો સંપર્ક સાંધ્યો હતો અને ઉપરોક્ત તમામ બાબતે જાણ કરી હતી. દાહોદ શહેરના ચાકલીયા રોડ સ્થિત સૃષ્ટિ ટેનામેન્ટ ગ્રાઉન્ડફ્લોર પર રૂ.૧૫ હજારની લાંચની રકમ જાગૃત નાગરિક આ સ્થળે જયાબેનને આપવા આવ્યા હતા ત્યા અગાઉ જ વોચમાં ગોઠવાયેલ પંચમહાલ એસીબી પોલીસે જયાબેનને રૂ.૧૫ હજરાની લાંચની રકમ સાથે ઝડપી પાડ્યા હતા. આ છટકામાં દક્ષાબેને માંગેલ લાંચના નાણાં લેતા જયાબેન ઝડપાઈ જતાં પંથકમાં ખળળાટ મચી જવા પામ્યો છે. હાલ પોલીસે જયાબેનની અટક કરી છે જ્યારે દક્ષાબેન રજા પર હોવાથી તે હાલ પોલીસ પકડથી દુર છે.
