Thursday, 21/11/2024

Dark Mode

ગરબાડા નગર સહિત ગાંગરડીમાં સતત બીજા દિવસે ગરબાડા મામલતદારનો સપાટો:ભેળસેળયુક્ત ખાદ્ય સામગ્રી ઝડપી સ્થળ પર જ નાશ કરાઈ

By Editor Dahod Live

March 21, 2020

Uncategorized

ગરબાડા નગર સહિત ગાંગરડીમાં સતત બીજા દિવસે ગરબાડા મામલતદારનો સપાટો:ભેળસેળયુક્ત ખાદ્ય સામગ્રી ઝડપી સ્થળ પર જ નાશ કરાઈ

વિપુલ જોષી @ ગરબાડા

ગરબાડા તા.21

ગરબાડા નગર સહિત ગાંગરડીમાં સતત બીજા દિવસે ગરબાડા મામલતદારનો સપાટો:સતત બે દિવસથી ખાદ્યસામગ્રીનું ચેકીંગ હાથ ધારાતા ભેળસેળીયા તત્વોમાં ફફડાટ મચી જવા પામ્યો છે.

સરકારના આદેશ અનુસાર આજરોજ તારીખ.૨૧/૦૩/૨૦૨૦ ના રોજ મામલતદાર ગરબાડા મયંક પટેલ તથા નાયબ મામલતદાર હાર્દિક જોષી, એસ.કે.ભરવાડ, તલાટી કેતન ચૌધરી અને અન્યની ટીમ બનાવી ગરબાડા તથા ગાંગરડી ખાતે ફરી પાછું સરપ્રાઈઝ ચેકિંગ હાથ ધરવામાં આવેલ હતું જેમાં ગરબાડા તથા ગાંગરડી ખાતે આવેલ ઠંડાપીણાંની દુકાનોમાં તથા ઠંડા પીણાની એજન્સીની દુકાનો તથા ગોડાઉનમાં તપાસ હાથ ધરતા સદર તપાસ દરમ્યાન એક્સપાયરી ડેટવાળી કુલ ૪૬ બોટલોનો સ્થળ ઉપર જ નાશ કરવામાં આવેલ હતો તથા એકવાફીના કંપનીની પાણીની બોટલ કે તે પણ એક્સપાયરી ડેટવાળી માલૂમ પડતાં આશરે ૬૦ નંગ પાણીની બોટલનો પણ નાશ કરવામાં આવેલ હતો.
ગરબાડા ખાતે ઠંડાપીણાંની બોટલોની અજન્સીની તપાસ કરતા સદર અજન્સીમાંથી મેન્યુફેક્ચરિંગ ડેટ વગરની કુલ ૫૮૦ નંગ કોલાની બોટલ મળી આવતા સદર બોટલો સીલ કરવા તથા તેની ક્વોલિટી તપાસવા ફૂડ ક્વોલિટી ચેકિંગ ટીમને જાણ કરી તેમને બોલાવતા ફૂડ ક્વોલિટી ચેકિંગ ટીમ દ્વારા ૦૪ નંગ ના ૦૪ સેમ્પલને લઈને સીલ મારી ક્વોલિટી ચેક કરવા માટે લઈ જવામાં આવેલ છે. જ્યાં સુધી ક્વોલિટી પ્રમાણપત્ર ન મળે ત્યાં સુધી સદર પ્રોડક્ટ પર વેચાણ પ્રતિબંધનો આદેશ મામલતદાર ગરબાડા દ્વારા એજન્સીને આપવામાં આવેલ છે.
એ સિવાય સ્વાસ્થ્યને નુકસાન કરતાં એક રૂપિયા વાળી નાની પેપ્સી આશરે ૪૮૦૦ નંગ તથા મેન્યુફેક્ચરિંગ ડેટ વગરના આશરે ૮૪૦ નંગ નમકીનનો સ્થળ ઉપર જ નાશ કરવામાં આવેલ છે. આ કાર્યવાહી દરમ્યાન આરોગ્ય વિભાગની ટીમ તથા ગરબાડા પોલીસને સાથે રાખવામાં આવી હતી.
વધુમાં, ગરબાડા તાલુકાના ગાંગરડી ખાતે ચાલતા એક દવાખાનામા પણ ગરબાડા મામલતદાર સહિતની ટીમ દ્વારા તપાસ હાથ ધરવામાં આવી હતી. પરંતુ, દવાખાનાનો ડોક્ટર છટકી જવા પામેલ હતા.

About Author

Editor Dahod Live

કોરોના ઇફેક્ટ.....મહીસાગર જિલ્લામાં રાજસ્થાન તરફથી આવતા વ્યક્તિઓનની થર્મલ સ્ક્રિનિંગની કામગીરી શરૂ કરાઇ

Previous Post

કોરોના ઇફેક્ટ…..મહીસાગર જિલ્લામાં રાજસ્થાન તરફથી આવતા વ્યક્તિઓનની થર્મલ સ્ક્રિનિંગની કામગીરી શરૂ કરાઇ

કલેક્ટરશ્રીએ જાહેરનામું બહાર પાડી લાગુ કરાયેલી ધારા 144ની દાહોદમાં કોઈ અસર નહિ:શહેરના વિવિધ વિસ્તારો દિવસભર ટ્રાફિકથી ધમધમતા રહ્યા

Next Post

કલેક્ટરશ્રીએ જાહેરનામું બહાર પાડી લાગુ કરાયેલી ધારા 144ની દાહોદમાં કોઈ અસર નહિ:શહેરના વિવિધ વિસ્તારો દિવસભર ટ્રાફિકથી ધમધમતા રહ્યા

Leave a Reply Cancel reply

error: Content is protected !!