Monday, 17/01/2022

Dark Mode

ઝાલોદ નગરપાલિકા ચીફ ઓફિસરના કાર્યકાળમાં સરકારી યોજનામાં ગેરરીતીના મામલામાં ફરજ પરથી મોકૂફ કરાયાં

By Editor Dahod Live

February 17, 2021

Uncategorized

ઝાલોદ નગરપાલિકા ચીફ ઓફિસરના કાર્યકાળમાં સરકારી યોજનામાં ગેરરીતીના મામલામાં ફરજ પરથી મોકૂફ કરાયાં

જીગ્નેશ બારીયા, દાહોદ /દક્ષેશ ચૌહાણ :- ઝાલોદ

દાહોદ તા.૧૭

દાહોદ જિલ્લાના ઝાલોદ નગરપાલિકાના ચીફ ઓફિસર હિરલ ઠાકરે વર્ષ ૨૦૧૮ થી ૨૦૨૦ દરમિયાન આણંદના પેટલાદ નગરપાલિકામાં કેટલીક સરકારી યોજનાઓ હેઠળ પોતાની કામગીરી દરમિયાન થયેલી ગેરરીતિમા ખાતાકીય તપાસ શરૂ થતા આ ચીફ ઓફિસરને પ્રાદેશિક કમિશનર, નગરપાલિકાઓ, ભાવનગર ઝોન ભાવનગર ખાતે રહેવાનો હુકમ સેક્શન અધિકારી, શહેરી વિકાસ અને શહેરી ગૃહ નિર્માણ વિભાગ સચિવાલય,ગાંધીનગર કરાતાં ઝાલોદ નગર પાલિકામાં ચૂંટણી ટાણે સોપો પડી જવા પામ્યો હતો.

મળતી માહિતી પ્રમાણે, હિરલબેન હરીરાય ઠાકર ચીફ ઓફિસર (વર્ગ – ૨) ઝાલોદ નગરપાલિકા, જિ.દાહોદ સામે તા.૧૯.૦૩.૨૦૧૮ થી તા. ૨૧.૦૮.૨૦૨૦ દરમ્યાન ચીફ ઓફિસર, પેટલાદ નગરપાલિકા તરીકે ફરજ બજાવતાં હતા તે સમયે તેમના દ્વારા પેટલાક નગરપાલિકામાં સ્વર્ણિમ જયંતિ મુખ્ય મંત્રી શહેરી વિકાસ યોજના અંતર્ગત આગવી ઓળખ યોજના હેઠળ નવીન ટાઉન હોલ બનાવવાની કામગીરીમાં આચરાવામાં આવેલ ગેરરીતી સંબંધમાં શિસ્ત વિષયક કાર્યવાહી હાથ ધરવાની બાબતે વિચારણા હેઠળ હોવાનું જાણવા મળી રહ્યું છે અને આ બાબતે ખાતાકીય તપાસ શરૂ કરવામાં આવી છે. આ કારણોસર તેઓને સક્રિય સેવામાં ચાલુ રાખવા જાહેર વહીવટી હિતમાં ન હોઈ તેઓને તાત્કાલિક અસરથી ફરજ મોકુફી હેઠળ મુખ્ય મથક પ્રાદેશિક કમિશ્નર, નગરપાલિકાઓ, ભાવનગર મુકવામાં આવ્યાં છે. આ હુકમ સેક્શન અધિકારી શહેરી વિકાસ અને શહેરી ગૃહ નિર્માણ વિભાગ, ગાંધીનગર દ્વારા કરવામાં આવતાં દાહોદ જિલ્લામાં સ્થાનીક સ્વરાજ્યની ચુંટણીના સમયે ઝાલોદ પાલિકાના નગરપાલિકા આલમમાં ચકચારમ મચી જવા પામી હતી.

———————————–

About Author

Editor Dahod Live

Previous Post

ફતેપુરા તાલુકાની 28 બેઠકો માટે 5 પાર્ટીઓ તેમજ અપક્ષ ઉમેદવારો વચ્ચે જામશે જંગ…

Next Post

દાહોદમાં માર્કેટ યાર્ડની બે ઓફિસને નિશાન બનાવતા તસ્કરો:માર્કેટની દીવાલમાં બાકોરૂ પાડી પ્રવેશેલા તસ્કરોએ રોકડ રકમ મળી લાખો રૂપિયાની માલમત્તા પર હાથફેરો કરી તસ્કરો થયાં ફરાર:પોલિસ તપાસમાં જોતરાઈ

Leave a Reply Cancel reply

error: Content is protected !!