Thursday, 21/11/2024

Dark Mode

દાહોદમાં ભારે તોફાન તેમજ વીજળીના કડાકા ભડાકા સાથે ત્રાટકેલા વરસાદે તારાજી સર્જી: વીજળીના બે મહાકાય ટાવરો જમીનદોસ્ત થઇ જતા અંધારપટ છવાયો: અસંખ્ય ઝાડો પડી જતા મકાનો તેમજ વાહનોમાં ભારે નુકશાન

By Editor Dahod Live

June 12, 2020

दाहोद

દાહોદમાં ભારે તોફાન તેમજ વીજળીના કડાકા ભડાકા સાથે ત્રાટકેલા વરસાદે તારાજી સર્જી: વીજળીના બે મહાકાય ટાવરો જમીનદોસ્ત થઇ જતા અંધારપટ છવાયો: અસંખ્ય ઝાડો પડી જતા મકાનો તેમજ વાહનોમાં ભારે નુકશાન

જીગ્નેશ બારીયા,નીલ ડોડીયાર @ દાહોદ

ગોદિરોડ, GIDC, Mega GIDC અને ઝાલોદ રોડ ના વિસ્તારના માનવતા ઉદ્યોગપતિઓને અને ઇન્ડસ્ટ્રીઅલના વીજ ગ્રાહકોને વીજ પુરવઠો ચાર (04) દિવસ સુધી અંધારપટ રહેવાના એંધાણ

દાહોદ તા.12

દાહોદ શહેરમાં મધરાત્રે ભારે પવન તેમજ વીજળીના કડાકા ભડાકા સાથે વરસાદ પડતા અસંખ્ય વૃક્ષો ધરાશાયી થતાં કેટલાક વાહનોને નુકસાન થવા પામ્યું હતું સાથે સાથે શહેરના યાદગાર ચોક નજીક એક દીવાલ ધરાશાયી થઇ જવા પામી હતી.જ્યારે મધરાત્રે તોફાની પવન સાથે ત્રાટકેલા વરસાદના કારણે દાહોદ તાલુકાના મુવાલિયા ખાતે આવેલા જેટકો વીજ સબસ્ટેશન પાસે આવેલા વીજળીના 66 કેવીના બે ટાવરો ભોંયભેગા થઇ જતા ચાર સબસ્ટેશનોમાં વીજળી ડુલ થઇ જવાથી શહેરના કેટલાક વિસ્તારો સહીત ગ્રામ્ય વિસ્તારોમાં અંધારપટ છવાઈ જવા પામ્યો હતો.જ્યારે મધરાત્રે પડેલા ભારે વરસાદના કારણે અસહ્ય ગરમી તેમજ બફારા વચ્ચે શહેરીજનોની હાલત કફોડી બનવા પામી હતી. જિલ્લામાં 9 તાલુકા પૈકી ચારેક તાલુકાને બાદ કરતા તમામ જગ્યાએ સરેરાશ એક ઇંચ વરસાદ નોંધાવા પામ્યો હતો.જ્યારે વાવાઝોડાના લીધે ક્ષતિગ્રસ્ત થયેલા ટાવરોના સમારકામ માટે સવારથી જ મધ્ય ગુજરાત વીજ કંપની તેમજ જેટકોના કર્મચારીઓ દ્વારા યુદ્ધના ધોરણે જોતરાઈ ગયા હતા.

છેલ્લા કેટલાય દિવસથી દાહોદ શહેર સહીત જિલ્લામાં પડી રહેલી અસહ્ય ગરમીના કારણે જિલ્લાવાસીઓ શેકાઈ જવા પામ્યા હતા.જ્યારે ચોમાસાના આગમનની સાથે એક દિવસ પહેલા પડેલા વરસાદના કારણે વાતાવરણમાં ઠંડક પ્રસરી જવા પામી હતી. જોકે ગઈકાલે અસહ્ય ગરમી તેમજ વરસાદ પડવાથી ઉભા થયેલા બફારાથી જિલ્લાવાસીઓ ત્રાહિમામ પોકારી ઉઠયા હતા.ત્યારે ગઈકાલે મધ રાત્રીના ત્રણ વાગ્યાંના અરસામાં તોફાની પવન તેમજ વીજળીના કડાકા ધડાકા સાથે વરસાદ વરસતા શહેરના નીચાણ વાળા વિસ્તારોમાં પાણી ભરાતા લોકોને ઉજાગરા વેઠી ભારે હાલાકીનો સામનો કરવો પડ્યો હતો.અને શહેરની ગટરો ઉભરાતા નગરપાલિકાની પ્રિમાનસૂનની પોલ ખુલી જવા પામી હતી.ગઈકાલે દાહોદ જિલ્લાના મુખ્ય મથક દાહોદમાં 22 મિ.મી દે.બારીયામાં 27 મી.મી, ઝાલોદમાં 11 મી.ધાનપુરમાં 16 મી.મી, સંજેલીમાં 33 મી.મી વરસાદ વરસતા જિલ્લામાં ગઈકાલે 129 મી.મી એટલે કુલ 5 ઇંચ જેટલો વરસાદ નોંધાયો હતો.જ્યારે મધરાત્રે ફુંકાયેલા ભારે પવનની વચ્ચે વરસેલા વરસાદથી શહેરના પરેલ વિસ્તારમાં આવેલ સંખ્યાબંધ ઝાડ જમીનદોસ્ત થઈ જતા સમડી જેવા કેટલાક પક્ષીઓ પણ જમીન પર પટકાઈ ઘાયલ થતાં પ્રકૃતિ પ્રેમીઓએ રેસ્ક્યુ કરી માનવતા મહેકાવી હતી.જ્યારે શહેરના યાદગાર નજીક એક દિવાલ પણ ધરાશાયી થઈ જવા પામી હતી.ગાજવીજ તેમજ પ્રચંડ પવન સાથે થયેલા વરસાદના કારણે તોતિંગ વૃક્ષો ધરાશાયી થઈ જતા તેમના નીચે આવેલા મકાનો તેમજ વાહનો પર પડવાના કારણે ભારે નુકસાન થયું છે.તેમજ મધ્ય ગુજરાત વીજ કંપનીના વિવિધ ફીડરની લાઈનોને વ્યાપક નુકસાન થવા પામ્યું છે જેના કારણે દાહોદ થી નિકળતી 66KV લાઈન ના બે (02) લોકેશન પરના ટાવરોને નુકશાન થયેલ હોઈ, 66KV ના ચાર સબ સ્ટેશન (66KV ખરોડ, 66KV ખરેડી, 66KV નવાગામ અને 66KV કઠલા) જેમાં થી નીકળતા કુલ બાવીસ(22) 11KV લાઇનનો વીજ પુરવઠો બંધ કરી દેવામાં આવ્યો છે. દાહોદના સેવાસદન, કોર્ટ, છાપરી, ગોડી રોડ, મહાવીર નગર, જીઆઈડીસી, વિસ્તારમાં વીજળી ડુલ થઈ ગઈ હતી.જ્યારે દાહોદ શહેર ગ્રામ્ય પંથકમાં રાત્રે દરમિયાનથી અંધારપટ છવાયેલો જોવા મળી રહ્યો છે નુકસાનીના કારણે વીજ પુરવઠો બંધ કરવામાં આવેલી તમામ લાઈનો મધ્ય ગુજરાત વીજ કંપની દ્વારા યુદ્ધના ધોરણે સમારકામની કામગીરી હાથ ધરવામાં આવી રહી છે.

About Author

Editor Dahod Live

ફતેપુરા તાલુકાના મારગાળા પંચાયતના નાણાંપંચમાં થયેલ ભ્રસ્ટાચારનો મામલો:નાણાંપંચની યોજનાના કામોમાં થયેલ ઉચાપત અંગે જિલ્લા વિકાસ અધિકારી એક્શનમાં:સરપંચને લાખોના ચુકવણા સંદર્ભે દિન-7 માં પુરાવા સહીત ખુલાસો કરવા શોકોઝ નોટિસથી ખળભળાટ

Previous Post

ફતેપુરા તાલુકાના મારગાળા પંચાયતના નાણાંપંચમાં થયેલ ભ્રસ્ટાચારનો મામલો:નાણાંપંચની યોજનાના કામોમાં થયેલ ઉચાપત અંગે જિલ્લા વિકાસ અધિકારી એક્શનમાં:સરપંચને લાખોના ચુકવણા સંદર્ભે દિન-7 માં પુરાવા સહીત ખુલાસો કરવા શોકોઝ નોટિસથી ખળભળાટ

દાહોદમાં અત્યાર સુધીમાં કુલ 4874 પૈકી 4655 ના રિપોર્ટ નેગેટિવ:174 ના રિપોર્ટ પેન્ડિગ:જિલ્લામાં હાલ કોરોના સંક્રમિત 10 કેસો એક્ટિવ

Next Post

દાહોદમાં અત્યાર સુધીમાં કુલ 4874 પૈકી 4655 ના રિપોર્ટ નેગેટિવ:174 ના રિપોર્ટ પેન્ડિગ:જિલ્લામાં હાલ કોરોના સંક્રમિત 10 કેસો એક્ટિવ

Leave a Reply Cancel reply

error: Content is protected !!