લીમખેડા અને કાલોલ પોલીસ મથકના મારામારી તેમજ ઘરફોડ ચોરીના ત્રણ ગુનામાં એક વર્ષથી નાસતા ફરતા આરોપીને ધાનપુર પોલીસે દબોચ્યો
ગરબાડા તા.27
મળતી વિગતો અનુસાર ધાનપુર પોલીસ મથકના પી.એસ.આઇ સીબી બરંડા તથા વી.જી ગોહિલ પોલીસ સ્ટાફના માણસો સાથે ધાનપુર પોલીસ મથકના અલગ અલગ ગુનામાં સંડોવાયેલા આરોપીને ઝડપી પાડવા માટે પોલીસ સ્ટાફની અલગ અલગ ટીમો બનાવી પેટ્રોલિંગમાં હતા તે દરમિયાન ધાનપુર પોલીસ મથકના પી.એસ.આઇ સી.બી બરડા ને મળેલી બાતમીના આધારે છેલ્લા એક વર્ષથી નાસતો ફરતો આરોપી માજુભાઈ અલીચંદ મડોડ તેના ઘરે આવ્યો હોવાની બાતમીના આધારે તેના ઘરેથી ઝડપી પાડી ધાનપુર પોલીસ મથકે લાવી જેલના સળિયા પાછળ ધકેલી કાયદેસરની કાર્યવાહી હાથ ધરવામાં આવી હતી જેમાં આરોપી વિરુદ્ધ લીમખેડા પોલીસ મથકે બે ગુના તથા કાલોલ પોલીસ મથકે ઘર ફોડ ચોરીઅને મારામારી ના ગુન્હાઓ નોંધાયેલા હતા આમ ધાનપુર પોલીસને લીમખેડા પોલીસ મથકના ઘરફોડ ચોરી તથા મારામારી અને કાલોલ પોલીસ મથકે ઘરફોડ ચોરી મળી કુલ 3 ગુનામાં એક વર્ષથી નાસતા ફરતા આરોપીને પકડી પાડવામાં સફળતા મળી હતી
