દિલ્હી મુંબઈ એક્સપ્રેસ હાઇવેનો વિવાદ ક્યારે અટકશે? કોરીડોર હાઇવેમા વિસ્થાપિત 14 ગામના લોકોએ હાઇવેનું કામ પુનઃ બંધ કરાવ્યું, તંત્રએ મામલો થાળે પાડી વધુ એક તારીખ આપી

રાજેશ વસાવે :- દાહોદ

દિલ્હી મુંબઈ એક્સપ્રેસ હાઇવેનો વિવાદ ક્યારે અટકશે?

કોરીડોર હાઇવેમા વિસ્થાપિત 14 ગામના લોકોએ હાઇવેનું કામ પુનઃ બંધ કરાવ્યું, તંત્રએ મામલો થાળે પાડી વધુ એક તારીખ આપી

દાહોદ તા. ૩

દાહોદ નજીકથી પસાર થતા દિલ્હી મુંબઈ એક્સપ્રેસ વે કોરીડોરનો વિવાદ સમવાનું નામ લઈ રહ્યો નથી આ વિસ્તારના 14 ગામના ખેડુતો તેમની મૂળભૂત પ્રાથમિક સુવિધાઓને લઈ છેલ્લા કેટલાય સમયથી સંગ્રષ કરી રહ્યા છે ત્યારે આજે વધુ એક વખત તેમની માંગણીઓને લઈ દિલ્હી મુંબઈ હાઇવેની કામગીરી બંધ કરાવવા ભેગા થતા પોલીસ તેમજ સ્લગન વિભાગના અધિકારીઓએ મામલો થાળે પાડી વધુ પાંચ દિવસનું આશ્વાશન આપ્યું હતું અત્રે ઉલ્લેખનીય છે કે દાહોદ નજીકથી પસાર થતો દિલ્હી મુંબઈ કોરીડોરમાં 14 જેટલા ગામના ખેડૂતોની ખેતીની જમીન અને રહેણાંક મકાનો હાઈવેમાં ચાલી જવાથી તેઓએ ત્યારે પણ આંદોલનો કર્યા હતા પરંતુ તંત્રની સમજાવટ બાદ મામલો થાળે પડ્યો હતો પરંતુ ચોમાસાની ઋતુ દરમિયાન હાઈવે પર માટીનું પુરાણ થવાથી બાકી બચેલા ખેડૂતોના ખેતરોમાં પાણી ભરાઈ જવાથી તેમના પાક ખરાબ થયા હતા આવા જવાના ગરનાળામાં વરસાદી પાણી ભરાઈ જવાના કારણે તેમને આવવા જવામાં તકલીફો પડતી હતી તેમજ અન્ય પ્રાથમિક સુવિધાઓ જે NHAI દ્રારા પુરી પાડવા માટે બાંહેધરી આપી હતી

તે પૂર્ણ ના કરતા ઉપરોક્ત 14 ગામના ખેડુતો પોતાની પ્રાથમિક સુવિધાઓ અને તેમના હક્કો મેળવવા માટે લડત આપવાની શરૂઆત કરી હતી સમયાંતરે ઉપરોક્ત ગામોના લોકોએ NHAI તેમજ સંબંધિત વિભાગના અધિકારીઓને રજુઆત સાથે આવેદન પત્રો આપ્યા હતા પરંતુ કોઈ નિકાલ ન થતા અગાઉ પણ ગામ લોકોએ હાઇવેનું કામ બંધ કરાવતા તંત્ર દ્રારા સમજાવટ કરવામાં આવી હતી અને ઝાલોદ SDM પોલીસ વિભાગના અધિકારીઓ અને NHAI ના અધિકારીઓ જોડે વાર્તલાપ કરી વહેલી તકે મૂળભૂત સુવિધાઓ પ્રાપ્ત કરાવવા આશ્વાશન આપવામાં આવ્યું હતું પરંતુ દર વખતે તેમને નવી તારીખ મળતા તાજેતરમાં ગામ લોકોએ ઝાલોદ SDM ને આવેદન આપી અને 3 ડિસેમ્બરના દિવસે હાઇવેનું કામ બંધ કરાવવા ચીમકી આપવામાં આવી હતી તેને લઈને આજે 14 ગામના ખેડુતો વસ્તી ગામે ભેગા થયા હતા અને કોરીડોર હાઇવેનું કામ બંધ કરાવી દેતા તંત્રના અધિકારીઓ દોડી આવ્યા હતા જેમાં ફરીથી ખેડૂતોને સમજાવટ બાદ તંત્ર અને NHAI ના અધિકારીઓએ પાંચ દિવસની તારીખ આપી હતી મામલો થાળે પાડ્યો છે પરંતુ ખેડૂતોને પ્રાથમિક સુવિધાઓ મેળવવા માટે પણ તારીખ પે તારીખ આપવામાં આવતા પ્રાથમિક સુવિધાઓ મેળવવાના હક અધિકાર સામે જમીન વિહોણા થયેલા ખેડુતો ઝઝૂમી રહ્યા છે ત્યારે તંત્ર અને NHAI ના અધિકારીઓ કોરીડોર હાઇવેના અસરગ્રસ્ત ખેડુતોને પ્રાથમિક સુવિધાઓ અપાવવા માટે હજુ કેટલા સમય સુધી લાલા વેડા કરે છે તે જોવું રહ્યું