![ગરબાડા તાલુકાના બાવકા ગામે હડકાયેલા શ્વાને મહિલા સહિત 8 લોકોને બચકા ભર્યા,](https://dahodlive.com/wp-content/uploads/2024/06/IMG-20240613-WA0048-770x377.jpg)
રાહુલ ગારી :- ગરબાડા
ગરબાડા તાલુકાના બાવકા ગામે હડકાયેલા શ્વાને મહિલા સહિત 8 લોકોને બચકા ભર્યા,
ઈજાગ્રસ્તોને ઝાયડ્સ હોસ્પિટલમાં ખસેડાયા.
ગરબાડા તા.13
દાહોદ જિલ્લાના ગરબાડા તાલુકાના બાવકા ગામે એક હડકાયા શ્વાને મહિલા સહિત આઠ વ્યક્તિઓને બચકા ભરતાં તમામ ઈજાગ્રસ્તોને દાહોદની ઝાયડસ હોસ્પિટલ ખાતે સારવાર માટે લઈ જવામાં આવ્યાં હતાં ત્યારે આ હડકાયા શ્વાનના આતંકને પગલે ગ્રામજનોમાં ભયનો માહોલ પણ જાવા મળી રહ્યો છે.
ગરબાડાના બાવકા ગામે મુળકા ગામે એક હડકાયા શ્વાને મહિલા સહિત આઠ વ્યક્તિઓને બચકા ભરતાં ગ્રામજનોમાં ફફડાડ ફેલાઈ જવા પામ્યો છે. હડકાયા શ્વાને લોકોની સાથે સાથે સાતથી વધુ પશુઓને પણ બચકા ભર્યા છે. દાહોદ જિલ્લામાં દિપડાના હુમલા ભુતકાળમાં બની ચુક્યાં છે ત્યારે હડકાયા શ્વાનના આતંકને પગલે ચકચાર મચી જવા પામી છે. બાવકા ગામમાં હડકાયા શ્વાનને પગલે એક પ્રકારનો ફફડાટ પણ જાવા મળી રહ્યો છે ત્યારે બાવકા ગામે લોકો શ્વાનથી બચવા માટે લાકડીઓ વિગેરે લઈ પોતાની રક્ષા કરતાં પણ જાવા મળ્યાં હતાં. હડકાયા શ્વાનના બચકાને પગલે ઈજાગ્રસ્તોને દાહોદની ઝાયડસ હોસ્પિટલમાં સારવાર માટે લઈ જવામાં આવ્યાં છે ત્યારે જાણવા મળ્યાં અનુસાર, હડકાયા શ્વાને બાવકા ગામમાં છેલ્લા બે દિવસથી ઘણા લોકોને બચકા ભર્યા છે ત્યારે કેટલાંક ઇજાગ્રસ્તોને ખાનગી હોસ્પિટલમાં પણ ખસેડવામાં આવ્યા છે.