Thursday, 21/11/2024

Dark Mode

દાહોદ:ઝાયડસ હોસ્પિટલમાં કોરોના સંક્રમિત કેદી પોલિસ જાપ્તામાંથી ભાગી જતા ખળભળાટ: પોલીસ તંત્ર દોડતું થયું …

By Editor Dahod Live

April 10, 2021

दाहोद

દાહોદ:ઝાયડસ હોસ્પિટલમાં કોરોના સંક્રમિત કેદી પોલિસ જાપ્તામાંથી ભાગી જતા ખળભળાટ: પોલીસ તંત્ર દોડતું થયું …

જીગ્નેશ બારીયા :- દાહોદ

દાહોદ:ઝાયડસ હોસ્પિટલમાં કોરોના સંક્રમિત કેદી પોલિસ જાપ્તામાંથી ભાગી જતા ખળભળાટ: પોલીસ તંત્ર દોડતું થયું
ગરબાડા તાલુકાના બોરિયાલાનો રહેવાસી અને ગરબાડા પોલિસ મથકમાં કોઈક ગુનામાં પકડાયેલો કોરોના પોઝીટીવ આવ્યો હતો.
પોલીસ જાપ્તા હેઠળ દાહોદના ઝાયડસ હોસ્પિટલમાં સારવાર લઈ રહેલો કેદી હથકડી સાથે થયો ફરાર: પોલીસ તેમજ આરોગ્ય વિભાગમાં દોડધામ મચી

દાહોદ તા.૧૦

દાહોદ ઝાયડસ હોસ્પિટલમાં ગતરોજ એક ચકચાર બનાવ સામે આવ્યો છે જેમાં એક આરોપી આ હોસ્પિટલમાં સારવાર લઈ રહ્યો હતો અને પોલીસ જાપ્તામાં હતો.ત્યારે આરોપીએ પોલીસની નજર ચુકવી હથકડી સાથે ફરાર થઈ જતાં પોલીસ બેડામાં ખળભળાટ મચી જવા પામ્યો છે. જાણવા મળ્યા અનુસાર, આ આરોપી થોડા દિવસ પહેલા કોરોના પોઝીટીવ હતો.અને તે સારવાર લઈ રહ્યો હતો.

ગરબાડા તાલુકાના બોરીયાળા ગામે દિવાનીયાવાડ ફળિયામાં રહેતો રાજન ઉર્ફે દિનેશભાઈ રૂમાલભાઈ ડામોરને કોઈ ગુન્હામાં પોલીસ પકડી લાવી હતી અને ત્યાર બાદ તેની તબીયત સારી ન હોવાને કારણે તેને દાહોદની ઝાયડસ મેડીકલ કોલેજ એન્ડ જનરલ હોસ્પિટલમાં સારવાર અર્થે ખસેડવામાં આવ્યો હતો. જાણવા મળ્યા અનુસાર, આ આરોપી કેટલાક દિવસ પહેલા કોરોના પોઝીટીવ આવ્યો હતો અને તે સિવાયની સારવાર પણ આ ઝાયડસ હોસ્પિટલમાં તેની સારવાર ચાલતી હતી ત્યારે ગતરોજ તારીખ ૦૯મી એપ્રિલના રોજ ઝાયડસ હોસ્પિટલમાં સારવાર દરમ્યાન આ આરોપીને હથકડી સાથે રાખવામાં આવ્યો હતો અને તે સમયે ઉપસ્થિત પોલીસની નજર ચુકવી આ આરોપી પોલીસ જાપ્તામાંથી ભાગી જતાં દાહોદ શહેર પોલીસ તંત્રમાં દોડધામ મચી જવા પામી હતી.

આ સંબંધે દાહોદ શહેર પોલીસ મથકના કર્મચારી કિકાભાઈ લાલજીભાઈ પરમારે દાહોદ શહેર પોલીસ મથકે ફરિયાદ નોંધાવતાં પોલીસે ઉપરોક્ત ફરાર આરોપીના ધરપકડના ચક્રોગતિમાન કર્યાં છે.

———————————————

About Author

Editor Dahod Live

દાહોદ જીલ્લામાં પુનઃ લોકડાઉનની અફવાએ પાન મસાલા (વિમલ) ના ભાવોમાં વધારો:હોલસેલના વેપારીઓ દ્વારા કૃત્રિમ અછત ઉભી કરી હોવાના આક્ષેપો...

Previous Post

દાહોદ જીલ્લામાં પુનઃ લોકડાઉનની અફવાએ પાન મસાલા (વિમલ) ના ભાવોમાં વધારો:હોલસેલના વેપારીઓ દ્વારા કૃત્રિમ અછત ઉભી કરી હોવાના આક્ષેપો…

સ્વામી વિવેકાનંદ ગુજરાત રાજ્ય યુવા બોર્ડ અને દાહોદ જિલ્લા આરોગ્ય વિભાગના સંયુક્ત ઉપક્રમે વોર્ડ નંબર 9 માં વિના મુલ્યે કોરોના રસીકરણ કેમ્પનું આયોજન કરાયું

Next Post

સ્વામી વિવેકાનંદ ગુજરાત રાજ્ય યુવા બોર્ડ અને દાહોદ જિલ્લા આરોગ્ય વિભાગના સંયુક્ત ઉપક્રમે વોર્ડ નંબર 9 માં વિના મુલ્યે કોરોના રસીકરણ કેમ્પનું આયોજન કરાયું

Leave a Reply Cancel reply

error: Content is protected !!