બાબુ સોલંકી:- સુખસર
*સુખસર તાલુકાના મોટીઢઢેલીના 53 વર્ષીય આધેડે અગમ્ય કારણોસર ઘરમાં ગળે ફાંસો ખાઈ મોત વહાલું કર્યું*
*ઘરના તમામ સભ્યો અમદાવાદ તથા વિરમગામ મજૂરી અર્થે ગયેલ હતા:મૃતક આઘેડ એકલા ઘરે હતા*
સુખસર,તા.30
સુખસર તાલુકાના મોટીઢઢેલી ગામે એક 53 વર્ષીય આધેડે અગમ્ય કારણોસર પોતાના મકાનના મોભના સારા સાથે ખાટલાની પાટી બાંધી ગળે ફાંસો ખાઈ મોત વહાલું કરતા ગામમાં ચકચાર મચી જવા પામી છે.લાશને પી.એમ અર્થે સુખસર સરકારી દવાખાનામાં ખસેડવામાં આવી હોવાનું જાણવા મળે છે.
પ્રાપ્ત વિગતો મુજબ સુખસર તાલુકાના મોટીઢઢેલી મુનિયા ફળિયામાં રહેતા ગવાભાઈ હકાભાઇ કટારા ઉંમર વર્ષ આશરે 53 ના ઓ ખેતીવાડી તથા છૂટક કામ ધંધો કરી ઘરનું ગુજરાત ચલાવતા હતા.જેઓને સંતાનમાં પાંચ પુત્રો અને એક પુત્રી છે. અને પત્ની સહિત સંતાનો સાથે સહ કુટુંબમાં રહેતા હતા. બે પુત્રો ના લગ્ન થઈ ગયેલા છે.અને થોડા સમયથી પત્ની તથા સંતાનો વિરમગામ તથા અમદાવાદ ખાતે મજૂરી કામે ગયેલા હતા.જ્યારે ગવાભાઈ કટારા ઘરે એકલા રહેતા હતા.તેમજ ગવાભાઈ કટારા 28 નવેમ્બરના રોજ સાંજના છ વાગ્યાના અરસામાં ક્યાંક જઈ પરત ઘરે આવ્યા હતા.તે આસપાસના લોકોએ જોયા હતા.ત્યારબાદ બીજા દિવસે સવારના મોડા સુધી મકાન નો દરવાજો નહીં ખુલતા અને ગવાભાઈ જોવા નહીં મળતા આસપાસના લોકોએ ગવાભાઈના ઘરે જઈ જોતા મકાન અંદરથી બંધ હતું.જેથી દોડી આવેલા આસપાસના લોકોએ દરવાજાની બારીમાંથી અંદર નજર નાખતા ગવાભાઈ ઘરના મોભના સરા સાથે ગળે ફાંસો ખાધેલી હાલતમાં જોવા મળ્યા હતા.જેથી તાત્કાલિક પાડોશી લાલાભાઇ ખેતાભાઇ મુનિયા ના ઓએ તેમના પુત્ર ઈશ્વરભાઈને જણાવેલ કે તમારા પિતા ગવાભાઈ મોભના સરા સાથે ખાટલાની પાટી વડે ગાળે ફાંસો ખાઈ મરણ ગયેલ છે.તેમ જણાવતા તેમના પુત્રો તથા પત્ની તાત્કાલિક ઘરે આવ્યા હતા.અને તેઓ એ દરવાજાની બારીમાંથી નજર નાખતા ગવાભાઈની ગળે ફાંસો ખાધેલી હાલતમાં લટકતી લાશ નજરે પડી હતી.જેની જાણ સુખસર પોલીસ સ્ટેશનમાં કરવામાં આવતા પોલીસ તાત્કાલિક ઘટના સ્થળે પહોંચી પંચનામુ કરી લાશનો કબજો મેળવી લાશના પી.એમ અર્થે સુખસર સરકારી દવાખાનામાં મોકલી આપી હતી.
ઉપરોક્ત બાબતે મૃતક ગવાભાઈ કટારાના પુત્ર ઇશ્વરભાઇ ગવાભાઈ કટારાએ સુખસર પોલીસ સ્ટેશનમાં જાહેરાત આપતા પોલીસે અકસ્માત મોત અન્વયે ગુનો દાખલ કરી સુખસર સરકારી દવાખાનામાં લાશના પી.એમ બાદ લાશનો કબજો તેમના વાલી વારાશોને સોંપી આગળની તપાસ હાથ ધરી હોવાનુ જાણવા મળે છે.
