રાજેશ વસાવે :- દાહોદ
*સર્વ ધર્મના ગુરુજનોની મંડળ ખાતે પર્યાવરણ વિષયક પરી-સંવાદ*
દાહોદ તા. ૨૮
આજરોજ તારીખ *25/11/2025 મંગળવારના* રોજ અજય દેસાઈ પ્રકૃતિ ભવન ખાતે સાંજે 4:00 થી 5:30 કલાક સુધી દાહોદના *જુદા જુદા ધર્મના /પંથના ધર્મગુરુઓ, વડાઓ અને મોભીઓને એક પર્યાવરણના પરિ-સંવાદ* માટે આમંત્રિત કરવામાં આવ્યા હતા. *પર્યાવરણનું સંરક્ષણ તથા તેના જતનમાં તેમના યોગદાન* વિષયને કેન્દ્રસ્થાને રાખીને આજરોજ એક બેઠકનું આયોજન કરવામાં આવ્યું હતું. તમામએ ખૂબ જ સકારાત્મક અભિપ્રાય આપતા આજરોજ આવવા માટે પોતાનો પોઝિટિવ મત આપ્યો હતો.
*પ્રકૃતિ મિત્ર મંડળના મુખ્ય હોદ્દેદારો મેનેજિંગ ટ્રસ્ટીશ્રી અજયભાઈ દેસાઈ, પ્રમુખશ્રી ધર્મેન્દ્રભાઈ ખત્રી , મંત્રી શ્રી શાકીરભાઇ કડીવાલા, ઉપપ્રમુખ શ્રી નીલમભાઈ અમીન , સહમંત્રી શ્રી કિન્નરભાઈ દેસાઈ તથા અન્ય કારોબારી સભ્યો સાથે સૌ ગુરુજનો દ્વારા પર્યાવરણ વિષય પર પોતાના વિચારો વ્યક્ત કર્યા હતા તથા ચિંતન કર્યું હતું.* 
પરી-સંવાદમાં સૌપ્રથમ પ્રમુખશ્રીના આવકાર બાદ મંત્રીશ્રી શાકીર કડીવાલાએ મંડળની પ્રવૃત્તિઓથી દરેકને અવગત કરાવવામાં આવ્યા હતા.
ત્યારબાદ પ્રમુખશ્રી ધર્મેન્દ્ર ખત્રી દ્વારા મંડળ દ્વારા આ પરિ-સંવાદનું પ્રયોજન વિષે કહેવામાં આવ્યું. પ્રમુખ ટ્રસ્ટીશ્રી અજયભાઈ દેસાઈએ સૌને આવકાર આપી ધાર્મિક વડાઓને લોકોને પર્યાવરણ બાબતે સજાગ કરવા અપીલ કરી હતી.
ત્યારબાદ *દરેક ધર્મ/પંથના વડાઓએ પોતાના ધર્મગ્રંથનો હવાલો આપીને કહ્યું કે તેમના ગ્રંથમાં પણ પ્રકૃતિનું જતન કરવું, પર્યાવરણની રક્ષા કરવી, પ્રકૃતિ પાસેથી મેળવેલા દરેક સ્ત્રોતોનો આદર કરવા કહ્યું છે*
તમામ ગુરુજનોએ એ વાત પર ભાર મૂક્યો હતો કે આપણે પ્રકૃતિનો વિવિધ રીતે ઉપભોગ તથા ઉપયોગ કરીએ છીએ તો તેનું જતન તથા તેના બચાવ કરવાની પણ આપણી ફરજ છે અને તમામ ધર્મમાં આ વસ્તુને અલગ અલગ રીતે વર્ણવવામાં આવી જ છે.
તેમણે આગામી સમયમાં પોતપોતાના ધાર્મિક કાર્યક્રમો તથા પોતપોતાના ધર્મના વિવિધ પ્રસંગોમાં પ્રકૃતિને પણ ભાગ આપી તેના ઉપર લોકોને આગળ આવવા આહવાન કરવાનું મંતવ્ય રજૂ કર્યું હતું.
તેઓના દ્વારા પ્રકૃતિ મિત્ર મંડળની આ પહેલને આવકારવામાં આવી હતી અને પ્રકૃતિ મિત્ર મંડળના પર્યાવરણને બચાવ કરવાના આહવાનમાં તેમણે સક્રિય રીતે સાથે રહેવાનો મત વ્યક્ત કર્યો હતો.
અંતે *વધુ સારા આયોજન માટે ચર્ચા વિમર્શ માટે પ્રકૃતિ મિત્ર મંડળની પ્લાન્ટેશન સાઈટ ખાતે અનુકૂળ સમયે* ભેગા થવાનું નક્કી કર્યું.
ઉલ્લેખનીય છે કે સૌ ધર્મગુરુઓએ મંડળની પ્રવૃત્તિઓને બિરદાવી હતી અને ભવિષ્યમાં પણ મંડળની દરેક પ્રવૃત્તિઓ સાથે જોડાવા બાંહેધરી આપી હતી.
કાર્યક્રમ ખૂબ જ સફળ રહ્યો.
મંડળ દ્વારા પ્રકૃતિ અને પર્યાવરણની પ્રવૃત્તિઓને વધુ વ્યાપ અને સમર્થન મળે એવા શુભ આશયથી આ *એક નવતર અભિગમ અપનાવ્યો હતો*
આજ રીતે સૌ દાહોદના પર્યાવરણ પ્રેમી નગરજનો સાથે આવી દાહોદને વધુ હરિયાળુ તથા નવપલ્લવીત બનાવવા માટે સાથે રહીને આ પ્રયાસમાં અગ્રેસર રહીશું.
