રાહુલ ગારી :- ગરબાડા
ગરબાડા તાલુકાના સીમળીયા બુઝર્ગ ગામેથી મહાકાય અજગરનું ઓલ એનિમલ રેસક્યુ ટીમ દ્વારા રેસ્કયુ.!
દાહોદ તા. ૩
ગરબાડા પંથકમાં અવારનવાર અજગર નીકળવાની ઘટનાઓ બનતી હોય છે. ત્યારે ગતરોજ સાંજના સમયે ગરબાડા તાલુકાના સીમળીયાબુઝર્ગ ગામે કનુભાઈ ફતીયાભાઈ બામણીયા ખેતરમાં વિશાળ અજગર જોવા મળ્યો હતો. ખેતરમાં અજગર આવી ચડતા અજગરને નિહાળવા સ્થાનિક લોકો દોડી આવ્યા હતા. અને અજગરને લઈને ભયનો માહોલ પણ સર્જાયો હતો.
જેથી સ્થાનિક લોકો દ્વારા ગરબાડાની ઓલ એનિમલ રેસક્યુ ટીમને જાણ કરવામાં આવી હતી. જાણ થતાં જ ઓલ એનિમલ રેસ્ક્યુ ટીમનાં રાજુભાઈ ડામોર તેમની ટીમ સાથે ઘટના સ્થળે પહોંચી ગયા હતા, અને વિશાળ અજગરને પકડવાની કયાવત હાથ ધરી હતી. ભારે જહેમત બાદ આશરે 12 ફૂટ લાંબા અને આશરે 34 કિલો વજન ધરાવતા વિશાળ અજગરને સાવચેતી પૂર્વક સલામત રીતે પકડી પાડવામાં આવ્યો હતો. અને અજગરને સુરક્ષિત રીતે જંગલ વિસ્તારમાં મુક્ત કરવામાં આવ્યો હતો.
