રાજેશ વસાવે :- દાહોદ
*ખેડૂતોએ સાધન ખરીદી માટે l – KHEDUT 2.0 પોર્ટલ પર Login કરવું*
દાહોદ તા. ૧૪
સને ૨૦૨૫-૨૬ માં રાજય સરકારશ્રી દ્વારા ખેતીવાડી વિભાગની વિવિધ યોજનાઓનો લાભ મેળવવા હેતુ ઓનલાઈન અરજી કરવા માટે નવીન I-KHEDUT 2.0 પોર્ટલ વિકસાવવામાં આવેલ છે. I-KHEDUT 2.0 પોર્ટલની નિયત થયેલ મોડાલીટી મુજબ ખેડુતે જે તે સાધન/ઘટકનો લાભ મેળવવા માટે પોર્ટલ પર ઓનલાઈન રજીસ્ટ્રેશના કરીને પોતાના યુઝર આઈ-ડી મેળવી જે તે સાધન/ઘટકની અરજી કરવાની હોય છે. ત્યારબાદ ખેડુતે પૂર્વમંજુરી મળ્યેથી જે તે સાધન/ઘટકની ખરીદી કરી ઓનલાઈન સાધનીક કાગળ અપલોડ કરવાના રહે છે. તે પછીથી ખેતીવાડી વિભાગ ધ્વારા સહાય ચૂકવણાની કામગીરી પોર્ટલ પર કરવા નિયત કરવામાં આવેલ છે.
4 વર્ષ ૨૦૨૫-૨૬ માટે અત્રેના દાહોદ જિલ્લામાં કુલ ૬૯૧૪ અરજીઓ મળેલ છે. જેમાં પાત્રતા ધરાવતી કુલ ૫૩૭૧ અરજીઓને મંજુરી આપવામાં આવેલ છે. જે ખેડુતોને સાધન/ઘટક ખરીદી કરવા માટે પૂર્વમંજુરી આપવામાં આવેલ છે તે ખેડુત મિત્રોએ સાધન ખરીદી કરી પૂર્વમંજુરીમાં દર્શાવેલ સાધનિક કાગળો જેવા કે અરજીની સહીવાળી નકલ, ખરીદી બીલ, ૭-૧૨, ૮-અ નકલ, જાતિનું પ્રમાણપત્ર(લાગુ પડતુ હોય તો), સંયુક્ત ખાતેદારના કિસ્સામાં બાંહેધરી પત્રક, બેંક પાસબુક કે કેન્સલ ચેક, આધારકાર્ડ, દિવ્યાંગનું પ્રમાણપત્ર (લાગુ પડતુ હોય તો), વન અધિકારપત્ર (લાગુ પડતુ હોય તો) અને સાધન સાથે લાભાર્થીનો ફોટો I-KHEDUT 2.0 પોર્ટલ પર અપલોડ કરવાનો રહેશે. ત્યાર પછીથી સાધન/ઘટકની ઓનલાઈન અરજી મળ્યેથી સ્થળ ચકાસણી કરવામાં આવશે. આથી લાભ મેળવનાર તમામ ખેડુતોને આ બાબતે જાણ કરવામાં આવે છે.
*સાધન/ઘટક ખરીદી કર્યા બાદ I-KHEDUT 2.0 પોર્ટલ પર ખેડુત દ્વારા સાધનિક કાગળ અપલોડ કરવાની કાર્ય પધ્ધતિ*::
> ખેડુતે પોતાના યુઝર આઈ-ડી થી I-KHEDUT 2.0 પોર્ટલ પર Login (ખેડુત માટે) કરવાનું રહેશે. ત્યારબાદ ” અરજી કરેલ ” મેનુ પસંદ કરી જે સાધન/ઘટક ખરીદી કરેલ હોય તેમાં Claim submit પર કલીક કરી નિયત કરેલ સાધનિક કાગળ અપલોડ કર્યા બાદ submit કરવાના રહેશે. વધુમાં આ બાબતે માહિતી મેળવવા માટે ગ્રામ્યકક્ષાએ ગ્રામસેવક (ખેતી), તાલુકાકક્ષાએ વિસ્તરણ અધિકારી (ખેતી)/ તાલુકા અમલીકરણ અધિકારી અને જિલ્લાકક્ષાએ જિલ્લા ખેતીવાડી અધિકારી નો સંપર્ક કરવાનો રહેશે એમ જિલ્લા ખેતીવાડી અધિકારીશ્રી, દાહોદ દ્વારા જણાવાયું છે.
000
