સિંગવડના છાપરવડ ગામે કુવામાંથી 25 વર્ષીય પરણીતાની લાશ મળી આવતા ચકચાર:સાસરી પક્ષ સામે હત્યાના અક્ષેપો.

મહિલાના મૃતદેહને ચેનલ પીએમ માટે દાહોદ ખસેડાયો: હત્યા આત્મહત્યા અંગે પોલીસે તપાસ હાથ ધરી..

દાહોદ તા.04

સિંગવડ તાલુકાના છાપરવડ ગામે એક પરણિત મહિલાનો મૃતદેહ કૂવામાંથી મળી આવતા ખળભળાટ મચી જવા પામ્યો છે.જોકે મરણ જનાર મહિલાના પરિવારજનોએ સાસરી પક્ષ સામે તેમની દીકરીની હત્યા કરી હોવાના આક્ષેપો કરતા પોલીસે મૃતક મહિલાના મૃતદેહને પેનલ પીએમ કરવા માટે દાહોદના ઝાયડસ હોસ્પિટલ ખાતે ખસેડ્યા હોવાનું પ્રાથમિક તબક્કે જાણવા મળી રહ્યું છે.

સિંગવડ તાલુકાના છાપરવડ ગામની 25 વર્ષીય પરિણીત મહિલા સોનલબેનનું મૃતદેહ વહેલી સવારે ગામના કૂવામાંથી મળી આવતા ગ્રામજનો કુવા ખાતે પહોંચ્યા હતા. ઉપરોક્ત મહિલાના મરણ અંગેની જાણ તેમના પિયર પક્ષના લોકોને કરવામાં આવતા મહિલાના પિયર પક્ષના લોકો પણ ઘટના સ્થળે દોડી આવ્યા હતા. દરમિયાન ગ્રામજનોએ ઘટનાની જાણ પોલીસને કરતા સિંગવડ પોલીસ પણ ઘટના સ્થળે પહોંચી હતી. અને પંચનામું કર્યા બાદ મરણના સોનલબેન ના મૃતદેહને કુવામાંથી બહાર કાઢવામાં આવી હતી આ દરમિયાન સોનલબેન ના માતા-પિતા તેમજ પરિવારજનો દ્વારા આક્ષેપ કરવામાં આવ્યા હતા કે તેમની દીકરીને તેમના સાસરી પક્ષ વાળાએ મારીને કુવામાં ફેંકી દીધી છે. જે બાદ પોલીસે સોનલબેનના મૃતદેહને પેનલ પીએમ માટે દાહોદના ઝાયડસ હોસ્પિટલ ખાતે ખસેડી આમરણ જનાર મહિલા સોનલબેન ને આત્મહત્યા કરી છે કે તેમની હત્યા કરવામાં આવી છે. તે અંગે તપાસનો દોર લંબાવ્યો છે.